യുഎഇയുടെ 52 ആമത് ദേശീയ ദിനത്തോടനുബന്ധിച്ച് ദുബായിൽ സൗജന്യ പാർക്കിംഗ് പ്രഖ്യാപിച്ചു. റോഡ്‌സ് ആൻഡ് ട്രാൻസ്പോർട്ട് അതോറിറ്റിയാണ് ഇത് സംബന്ധിച്ച പ്രഖ്യാപനം നടത്തിയത്.
ഇത് പ്രകാരം ദുബായിൽ ഡിസംബർ 2 ശനിയാഴ്ച മുതൽ ഡിസംബർ 4 തിങ്കളാഴ്ച വരെയാണ് സൗജന്യ പാർക്കിംഗ് ഉണ്ടായിരിക്കുക എന്ന് അതോറിറ്റി അറിയിച്ചു. മൾട്ടി ലെവൽ ടെർമിനലുകൾ ഒഴികെയുള്ള എല്ലാ പൊതു പാർക്കിംഗിനും ഇത് ബാധകമായിരിക്കും. ഡിസംബർ 5 ചൊവ്വാഴ്ച മുതൽ പാർക്കിംഗ് താരിഫ് പുനരാരംഭിക്കും.
