ഇന്ത്യൻ പ്രവാസികൾക്ക് ആശ്വാസമായി ദുബായിൽ നിന്നും പൂനെയിലേയ്ക്ക് സർവ്വീസ് ആരംഭിച്ച് ഇൻഡിഗോ എയർലൈൻസ്. നവംബർ 22 മുതലാണ് പുതിയ സർവ്വീസ് ആരംഭിക്കുന്നത്.
ദുബായിൽ നിന്ന് 22-ന് വൈകിട്ട് 5.40ന് പുറപ്പെടുന്ന വിമാനം പൂനെയിൽ രാത്രി 10.10ന് എത്തും. തുടർന്ന് തിരിച്ച് അർധരാത്രി 12.15ന് പുറപ്പെട്ട് പുലർച്ചെ 2.15ന് ദുബായിൽ എത്തുന്ന വിധത്തിലാണ് വിമാനത്തിന്റെ സമയം ക്രമീകരിച്ചിരിക്കുന്നത്.
പുതിയ സർവ്വീസ് ആരംഭിക്കുന്നതോടെ പുനെയിലേക്ക് ദുബായിൽ നിന്ന് ദിവസേന 2 സർവീസുകളാണ് ഉണ്ടാകുക.
