ദുബായിലെ സൈനിക വിഭാഗങ്ങളിൽ ജോലി ചെയ്യുന്ന 6,025 സൈനികർക്ക് സ്ഥാനക്കയറ്റം നൽകാൻ ഉത്തരവ്. യുഎഇ വൈസ് പ്രസിഡൻ്റും പ്രധാനമന്ത്രിയും ദുബായ് ഭരണാധികാരിയുമായ ഷെയ്ഖ് മുഹമ്മദ് ബിൻ റാഷിദ് അൽ മക്തൂമാണ് ഇതുസംബന്ധിച്ച ഉത്തരവ് പുറപ്പെടുവിച്ചത്.
ദുബായിലെ സ്റ്റേറ്റ് സെക്യൂരിറ്റി ഡിപ്പാർട്ട്‌മെൻ്റ് ഡെപ്യൂട്ടി ചെയർമാൻ മേജർ ജനറൽ അവദ് ഹാദർ അൽ മുഹൈരിയെ റാങ്കിലേക്ക് ഉയർത്തിയാണ് 2024 ലെ പ്രമേയം (33) പുറത്തിറക്കിയത്. ദുബായ് പൊലീസ്, സ്റ്റേറ്റ് സെക്യൂരിറ്റി ഡിപ്പാർട്ട്‌മെൻ്റ്, ജനറൽ ഡയറക്ടറേറ്റ് ഓഫ് റെസിഡൻസി ആന്റ് ഫോറിനേഴ്‌സ് അഫയേഴ്‌സ്, ജനറൽ ഡയറക്ടറേറ്റ് ഓഫ് സിവിൽ ഡിഫൻസ് എന്നിവയിലെ കേഡർമാർക്കാണ് സ്ഥാനക്കയറ്റം നൽകുന്നത്.
ദുബായ് പോലീസിലെ 4,219 ജീവനക്കാരുടെ സ്ഥാനക്കയറ്റം, 33 കേഡർമാരുടെ പ്രമോഷനും വിരമിക്കലും, ദുബായിലെ ജനറൽ ഡയറക്ടറേറ്റ് ഓഫ് റെസിഡൻസി ആൻഡ് ഫോറിനേഴ്‌സ് അഫയേഴ്‌സിൻ്റെ 548 കേഡർമാർ, അഞ്ച് അംഗങ്ങളുടെ പ്രമോഷനും റിട്ടയർമെൻ്റും, മൂന്ന് പേരുടെ വിരമിക്കൽ, ദുബായിലെ അഡ്മിനിസ്‌ട്രേഷനുമായി അഫിലിയേറ്റ് ചെയ്‌തിരുന്ന 556 സൈനിക ഉദ്യോഗസ്ഥരും പ്രമോഷൻ എന്നിവ പ്രഖ്യാപനത്തിൽ ഉൾപ്പെടുന്നുണ്ട്.
ദുബായിലെ സ്റ്റേറ്റ് സെക്യൂരിറ്റി ഡിപ്പാർട്ട്‌മെൻ്റിലെ ജീവനക്കാർക്കുള്ള പ്രമോഷനിൽ 783 സൈനികർ ഉൾപ്പെടുന്നുണ്ട്. അതേസമയം, ഡിപ്പാർട്ട്‌മെൻ്റിൽ ജോലി ചെയ്യുന്ന 19 സൈനികരുടെ വിരമിക്കൽ, 803 കേഡർമാരുടെ സ്ഥാനക്കയറ്റം, ദുബായിലെ ജനറൽ ഡിപ്പാർട്ട്‌മെൻ്റ് ഓഫ് സിവിൽ ഡിഫൻസിൽ ജോലി ചെയ്യുന്ന 387 സൈനികരുടെ സ്ഥാനക്കയറ്റം, 60 സൈനികരുടെ പ്രമോഷനും വിരമിക്കൽ, ഡിപ്പാർട്ട്‌മെൻ്റിലെ 28 സൈനിക കേഡർമാരുടെ വിരമിക്കൽ എന്നിവയും ഷെയ്ഖ് മുഹമ്മദ് പുറപ്പെടുവിച്ച ഉത്തരവിൽ ഉൾപ്പെടുന്നുണ്ട്.
