ആദ്യമായി വനിതാ ലോകകപ്പ് ഫൈനലിൽ കടന്ന് സ്പെയിൻ. സെമി ഫൈനലിൽ സ്വീഡനെ തറപ്പറ്റിച്ചാണ് സ്പെയിൻ ഫൈനലിൽ കടന്നത്. 2-1നാണ് സ്പെയിനിന്റെ വിജയം.
ഫൈനലിൽ ഓസ്ട്രേലിയയോ ഇംഗ്ലണ്ടോ ആകും സ്പെയിനിന്റെ എതിരാളികൾ. മത്സരത്തിൽ 81ആം മിനുട്ട് വരെ ആരും ഗോൾ വല കുലുക്കിയിരുന്നില്ല.
81ആം മിനുട്ടിൽ പരെയെലോയുടെ ഫിനിഷാണ് സ്പെയിന് ലീഡ് നൽകിയത്. 89ആം മിനുട്ടിൽ ബ്ലോംക്വിസ്റ്റിലൂടെ സ്വീഡൻ സമനില നേടി. 90ആം മിനുട്ടിൽ പെനാൾട്ടി ബോക്സിന്റെ എഡ്ജിൽ നിന്ന് ഒൾഗ കാർമോണയുടെ സ്ട്രൈക്ക് സ്പെയിന് വിജയം നൽകി. കാർമോണയുടെ സ്പാനിഷ് കരിയറിലെ രണ്ടാം ഗോളാണ് സ്പെയിനിനെ ഫൈനലിൽ എത്തിച്ചത്.
