പ്രവാചക സ്മരണയില്‍ കേരളത്തിൽ ഇന്ന് നബിദിനം ആഘോഷിക്കുന്നു. മുഹമ്മദ് നബിയുടെ ജന്മദിനം ആഘോഷിക്കാൻ വിപുലമായ പരിപാടികളാണ് മദ്റസകളിലും പള്ളികളിലും ഒരുക്കിയിരിക്കുന്നത്.
കൊടി തോരണങ്ങളാൽ പള്ളികളും മദ്രസകളും അലങ്കരിച്ചിട്ടുണ്ട്. മദ്റസകൾ കേന്ദ്രീകരിച്ച് കുട്ടികളുടെ റാലികൾ നടക്കും. അതോടൊപ്പം മൗലിദ് പാരായണവും കുട്ടികളുടെ കലാപരിപാടികളും ഉണ്ടാകും. മുഹമ്മദ് നബിയുടെ സന്ദേശങ്ങൾ പരമാവധി ജീവിതത്തിൽ പകർത്താനുള്ള ഓർമ്മപ്പെടുത്തലാണ് ഓരോ നബി ദിനവും വിശ്വാസികൾക്ക് നൽകുന്നത്.
ഹിജ്റ വർഷ പ്രകാരം റബീഉൽ അവ്വൽ മാസം 12നാണ് പ്രവാചകന്റെ ജന്മദിനം ആഘോഷിക്കുന്നത്. എ.ഡി 570ൽ മക്കയിലാണ് മുഹമ്മദ് നബി ജനിച്ചത്.
