ഡോ വന്ദനാ ദാസിന്റെ കൊലപാതക കേസിൽ പ്രതി ജി. സന്ദീപിന്റെ ജാമ്യാപേക്ഷ കോടതി തള്ളി. കൊല്ലം പ്രിൻസിപ്പൽ ജില്ലാ സെഷൻസ് കോടതിയാണ് ജാമ്യാപേക്ഷ തള്ളിയത്. എന്നാൽ കേസിൽ ജാമ്യം തേടി ഹൈക്കോടതിയെ സമീപിക്കുമെന്ന് പ്രതിഭാഗം വ്യക്തമാക്കി.
ക്രൈംബ്രാഞ്ച് ഡിവൈ.എസ്.പി. എം.എം.ജോസിന്റെ നേതൃത്വത്തിലുള്ള സംഘമാണ് ഡോ. വന്ദനയുടെ കൊലപാതക കേസ്‌ അന്വേഷിക്കുന്നത്. മെയ് 10 ന് പുലര്‍ച്ചെയാണ് കൊട്ടാരക്കര താലൂക്ക് ആശുപത്രിയിലെ ഹൗസ് സർജനായ വന്ദനാ ദാസ് ദാരുണമായി കൊല്ലപ്പെട്ടത്. മുറിവ് വച്ചുകെട്ടാൻ പൊലീസിനൊപ്പം എത്തിയ സന്ദീപ് ഡ്രസിംഗ് കത്രിക കൈയ്ക്കലാക്കി വന്ദനയെ കുത്തി കൊലപ്പെടുത്തുകയായിരുന്നു.
