യുഎഇയിൽ ഇനി എമിറേറ്ററുകൾ തമ്മിലുള്ള ദൂരം കുറയും! യുഎഇ ആസ്ഥാനമായുള്ള എയർ ചാറ്റോ ഇൻ്റർനാഷണൽ ഉടൻ തന്നെ അന്തർ-എമിറേറ്റ് സ്വകാര്യ ഹെലികോപ്റ്റർ സേവനം രാജ്യത്ത് ലഭ്യമാക്കും. ദുബായിൽ നിന്ന് റാസൽഖൈമയിലേക്ക് 30 മിനിറ്റിനുള്ളിൽ യാത്ര ചെയ്യാനുള്ള സൗകര്യമാണ് എയർ ചാറ്റോ ഇൻ്റർനാഷണൽഒരുക്കുന്നത്.
യുഎഇയിലെ വിവിധ എമിറേറ്റുകളിൽ കുറഞ്ഞത് ആറ് പുതിയ ഹെലിപോർട്ടുകളെങ്കിലും എത്തിക്കുമെന്നാണ് എയർ ചാറ്റോ ഇൻ്റർനാഷണലിൻ്റെ സ്ഥാപകനും ചെയർമാനും എംഡിയുമായ ഡോ സമീർ മുഹമ്മദ് പറയുന്നത്. 24 മുതൽ 27 മിനിറ്റ് വരെ സമയം കൊണ്ട് ദുബായിൽ നിന്ന് ഹെലികോപ്റ്ററിൽ റാസൽ ഖൈമയിലേക്ക് പോകാം.
ഷാർജ, അജ്മാൻ, ഉമ്മുൽ ഖുവൈൻ, അബുദാബി എന്നിവയുൾപ്പെടെ എല്ലാ എമിറേറ്റുകളെയും ബന്ധിപ്പിക്കാൻ ശ്രമിക്കുമെന്നും എയർ ചാറ്റോ ഇൻ്റർനാഷണൽ അധികൃതർ പറയുന്നു. 3 വർഷത്തിനുള്ളിൽ ഹെലിപോർട്ടുകളുടെ എണ്ണം 30 ആയി ഉയർത്താനും കമ്പനി ലക്ഷ്യമിടുന്നുണ്ട്.
