ഇ​ന്ത്യ-യുഎ​ഇ എ​ണ്ണ​യി​ത​ര വ്യാ​പാ​രം 2030ഓ​ടെ ഇ​ര​ട്ടി​യാ​ക്കും

ഇ​ന്ത്യയും യുഎ​ഇയും തമ്മിലുളള എ​ണ്ണ​യി​ത​ര വ്യാ​പാ​രം 2030ഓ​ടെ ഇ​ര​ട്ടി​യാ​ക്കു​മെ​ന്ന്​ സെ​പ കൗ​ൺ​സി​ൽ ഡ​യ​റ​ക്ട​ർ. ഇരുരാജ്യങ്ങളും തമ്മിൽ സമഗ്ര സഹകരണ സാമ്പത്തിക കരാർ ഒപ്പുവച്ചതിന് ശേഷം എണ്ണയിതര വ്യാപാരത്തിൽ 16 ശതമാനം വർദ്ധനവ് രേഖപ്പെടുത്തിയെന്നും കണക്കുകളെ ഉദ്ധരിച്ച് സെപ കൌൺസിൽ ഡയറക്ടർ അ​ഹ്മ​ദ്​ അ​ൽ​ജെ​നൈ​ബി വ്യക്തമാക്കി.

ഇ​ന്ത്യ​യുമായുളള വാ​ണി​ജ്യ ഇടപാടുകൾ കൂ​ടു​ത​ൽ മെ​ച്ച​പ്പെ​ടു​ത്തു​ക​യാ​ണ്​ സെ​പ കൗ​ൺ​സി​ൽ ല​ക്ഷ്യ​മി​ടു​ന്ന​ത്. ഇതിനായി ഇന്ത്യൻ വ്യവസായ സമൂഹത്തെ ഉ​ഭ​യ​ക​ക്ഷി ക​രാ​റി​ന്‍റെ നേ​ട്ട​ങ്ങ​ൾ ബോ​ധ്യ​പ്പെ​ടു​ത്തി വരികയാണെന്നും അദ്ദേഹം സൂചിപ്പിച്ചു. ഒരോ ഇന്ത്യൻ നഗരങ്ങളുടേയും പ്രത്യേകതകൾ കണക്കിലെടുത്താണ് നീക്കങ്ങൾ.ഇ​തി​ന്‍റെ ഭാഗമായി ചെ​ന്നൈ​യി​ൽ ന​ട​ന്ന​ പരിപാടി വൻ വിജയമായിരുന്നു.

മീറ്റിങ്ങിൽ നിരവധി ഇന്ത്യൻവ്യവസായികൾ യുഎഇലേക്ക് പ്രവർത്തനം വ്യാപിപ്പിക്കാൻ താത്പര്യമറിയിച്ചിരുന്നു. ലോ​ജി​സ്റ്റി​ക്സ്, ഓ​ട്ടോ​മോ​ട്ടി​വ്, ആ​രോ​ഗ്യ​സു​ര​ക്ഷ, കാ​ർ​ഷി​കം തു​ട​ങ്ങി​യ മേ​ഖ​ല​ക​ളി​ൽ നി​ന്ന് 20ല​ധി​കം പ്ര​തി​നി​ധി​ക​ളാണ് ച​ർ​ച്ച​ക​ളി​ൽ പ​​ങ്കെ​ടു​ത്തത്. വാണിജ്യ വ്യവസായ രംഗത്ത് വൻ വളർച്ച പ്രകടമാക്കിയാണ് ഇന്ത്യ- യുഎഇ സെപ കരാർ രണ്ടാം വാർഷികത്തോട് അടുക്കുന്നത്.