നടൻ ജാഫർ ഇടുക്കിക്കെതിരെ ലൈംഗിക അതിക്രമ പരാതിയുമായി നടി. ഇതുമായി ബന്ധപ്പെട്ട് ആലുവ സ്വദേശിയായ നടി ഡിജിപിക്കും പ്രത്യേക അന്വേഷണ സംഘത്തിനും ഓൺലൈനായി പരാതി നൽകി. വർഷങ്ങൾക്ക് മുമ്പാണ് സംഭവം നടന്നതെന്നാണ് യുവതി പരാതിയിൽ പറയുന്നത്.
നേരത്തെ മുകേഷ്, ജയസൂര്യ, ബാലചന്ദ്രമേനോൻ എന്നിവരുൾപ്പെടെ ഏഴ് പേർക്കെതിരെ പീഡനപരാതി ആരോപിച്ച് രംഗത്തെത്തിയ നടി തന്നെയാണ് ഇപ്പോൾ ജാഫർ ഇടുക്കിക്കെതിരെയും പരാതി ഉന്നയിച്ചിരിക്കുന്നത്. ‘ദേ ഇങ്ങോട്ട് നോക്കിയേ’ എന്ന സിനിമയുടെ ചിത്രീകരണത്തിനിടെയാണ് ജാഫർ ഇടുക്കി മോശമായി പെരുമാറിയതെന്നാണ് നടിയുടെ പരാതി.
ഇക്കാര്യങ്ങൾ സാമൂഹിക മാധ്യമങ്ങളിലെ അഭിമുഖങ്ങളിലൂടെ നടി പങ്കുവെക്കുകയും ചെയ്തിരുന്നു.
