ഷാർജ സമ്മർ പ്രമോഷൻ 20-ാമത് പതിപ്പ് പുരോഗമിക്കുന്നു. ഷാർജ ചേംബർ ഓഫ് കൊമേഴ്‌സ് ആൻഡ് ഇൻഡസ്ട്രി (എസ്‌സി‌സി‌ഐ) സംഘടിപ്പിക്കുന്ന മേള സെപ്റ്റംബർ 3 വരെ നീളും. റെക്കോർഡ് എണ്ണം ഷോപ്പർമാരെ ആകർഷിച്ചും അരലക്ഷത്തിലധികം ദിർഹത്തിൻ്റെ സമ്മാനങ്ങൾ വാഗ്ദാനം ചെയ്തുമാണ് 20ആമത് മേള പുരോഗമിക്കുന്നത്.
റാഫിൾ നറുക്കെടുപ്പിൽ പങ്കെടുക്കുന്നവർത്ത് ആഡംബര കാറുകൾക്ക് പുറമെ മറ്റ് സമ്മാനങ്ങളും നേടാൻ അവസരമുണ്ട്. കൂടാതെ അന്താരാഷ്ട്ര ബ്രാൻഡുകളിൽ 75% വരെ കിഴിവും, വിനോദ ഓഫറുകളും സമ്മർ പ്രമോഷൻ്റെ പ്രത്യേതകയാണ്. വൗച്ചറുകൾ, ടൂറിസ്റ്റ്, ഹോട്ടൽ പാക്കേജുകൾ എന്നിവയും ലഭ്യമാകും. നിസാൻ പട്രോളിനുള്ള ബംബർ സമ്മാന നറുക്കെടുപ്പും ഉൾപ്പെടുന്നു.
പുതിയ അനുഭവങ്ങൾ ഒരുക്കിക്കൊണ്ടാണ് സമ്മർ പ്രമോഷൻ 20-ാമത് പതിപ്പ് സംഘടിപ്പിക്കുന്നതെന്ന് ഇക്കണോമിക് റിലേഷൻസ് ഡിപ്പാർട്ട്‌മെന്റ് ഡയറക്ടറും പരിപാടിയുടെ ജനറൽ കോർഡിനേറ്ററുമായ ഇബ്രാഹിം റാഷിദ് അൽ ജർവാൻ പറഞ്ഞു.ജൂലൈ 1 മുതലാണ് മേള ആരംഭിച്ചത്.
