യുഎഇ കേന്ദ്രമാക്കി പ്രവർത്തിക്കുന്ന പത്തനംതിട്ട ജില്ല പ്രവാസി അസോസിയേഷൻ പെക്സ രക്തദാന ക്യാമ്പ് സംഘടിപ്പിച്ചു. ദുബായ് ഹെൽത്ത് അതോറിറ്റിയുമായി സഹകരിച്ചായിരുന്നു പരിപാടി. മുഹൈസിന തലാൽ മാർക്കറ്റിൽ നടന്ന രക്തദാന ക്യാമ്പിൽ പെക്സ അംഗങ്ങൾക്ക് പുറമെ നിരവധിയാളുകൾ രക്തദാനത്തിന് തയ്യാറായി.
പെക്സ നടപ്പിലാക്കുന്ന മാനുഷിക പ്രവർത്തനങ്ങളുടെ ഭാഗമായായിരുന്നു ക്യാമ്പ്. പുതിയതായി നൂറിലധികം ആളുകൾ രക്തദാനത്തിന് സമ്മതം അറിയിച്ചതായും തുടർ ക്യാമ്പുകൾ സംഘിടിപ്പിക്കുമെന്നും പെക്സ പ്രസിഡൻ്റ് നൌഷാദ് മീര, സെക്രട്ടറി ഫസീം ജലാൽ എന്നിവർ പറഞ്ഞു.
ക്യാമ്പിനോട് അനുബന്ധിച്ച് നടന്ന ചെറിയ ചടങ്ങിൽ ദുബായിലെ സാംസ്കാരിക പ്രവർത്തകരായ ബഷീർ തിക്കോടി, ചാക്കോ ഊളക്കാട്, സക്കീർ പടിപ്പുരത്തുണ്ടിൽ, മുഹമ്മദ് സാലി തുടങ്ങിയവർ ആശംസകൾ രേഖപ്പെടുത്തി.
പെക്സ വൈസ് പ്രസിഡൻ്റ് ഹക്കീം വാഴക്കാലയിൽ, എക്സിക്യൂട്ടീവ് അംഗങ്ങളായ നിഷാദ് ചിറ്റാർ, അബ്ദുൾ റഹ്മാൻ, നജീബ് അലിയാർ, മുഹമ്മദ് റോഷൻ, ഷെഫിൻ സലാം, ഷഫീക് കോന്നി, ഷാജു പന്തളം, ഷഫീക്ക് കാട്ടൂർ, ഉവൈസ് ഉല്ലാസ്, ഷിജു കാട്ടൂർ. അൻസാരി, അജ്മൽ റഷീദ് എന്നിവർ പരിപാടികൾക്ക് നേതൃത്വം നൽകി.
