ഏവിയേറ്റർ മിഡിൽ ഈസ്റ്റ് അവാർഡ് നേട്ടത്തിൽ തിളങ്ങി ഫ്ലൈ ദുബായ്. ദുബായ് ആസ്ഥാനമായുള്ള വിമാനക്കമ്പനി എയർലൈൻ ഓഫ് ദ ഇയർ ആയാണ് തിരഞ്ഞെടുക്കപ്പെട്ടത്. ചൊവ്വാഴ്‌ച ദുബായിൽ നടന്ന ചടങ്ങിൽ വിമാനക്കമ്പനിയെ പ്രതിനിധീകരിച്ച് ഫ്ലൈ ദുബായ് ഇൻഫ്ളൈറ്റ് ഓപ്പറേഷൻസ് സീനിയർ വൈസ് പ്രസിഡന്റ് ഡാനിയൽ കെറിസൺ അവാർഡ് ഏറ്റുവാങ്ങി.
യാത്രക്കാരുടെ പൂർണ്ണ സംതൃപ്‌തി, സുരക്ഷ, നവീകരണം, മേഖലയിലെ പ്രവർത്തന മികവ് എന്നിവയിൽ പ്രതിബദ്ധത പ്രകടിപ്പിക്കുന്ന എയർലൈനുകൾക്കാണ് വ്യവസായ വിദഗ്ധർ വോട്ട് രേഖപ്പെടുത്തിയത്. ഇതിൽ ഫ്ലൈദുബായ് ഒന്നാമതെത്തി. കാര്യക്ഷമമായ പ്രവർത്തനങ്ങൾ, അസാധാരണമായ വിമാനയാത്രാ അനുഭവങ്ങൾ, മിഡിൽ ഈസ്റ്റിന്റെ ആഗോള കണക്റ്റിവിറ്റി വർദ്ധിപ്പിക്കുക തുടങ്ങി മേഖലയുടെ സാമ്പത്തിക വളർച്ചയെ നയിക്കുന്നതിന് സംഭാവന നൽകിക്കൊണ്ട് വ്യവസായ നിലവാരം സ്ഥാപിക്കുന്നതിനും ഫ്ലൈദുബായ് അംഗീകരിക്കപ്പെട്ടു.
