ദുബായ് കിരീടാവകാശിയുടെ ഇരട്ടക്കുട്ടികളായ ഷൈഖയ്ക്കും റാഷിദിനും ഇന്ന് രണ്ടാം ജന്മദിനം. 2021 മെയ് 20 നാണ് ഷെയ്ഖ് ഹംദാൻ ബിൻ മുഹമ്മദ് ബിൻ റാഷിദ് അൽ മക്തൂം തന്റെ കുഞ്ഞുങ്ങളുടെ ജനനം ഇൻസ്റ്റാഗ്രാം പോസ്റ്റിലൂടെ ലോകത്തെ അറിയിച്ചത്.
മനോഹരമായ കാർട്ടൂൺ ടി-ഷർട്ട് ധരിച്ച് ഒരു കപ്പിൽ നിന്ന് സിപ്പ് ചെയ്യുന്ന മകന്റെ ചിത്രം പങ്കുവച്ചുകൊണ്ടാണ് ഷെയ്ഖ് ഹംദാൻ ജന്മദിനാശംസകൾ അറിയിച്ചത്. ഈ സുപ്രഭാതത്തിൽ അത്ഭുതകരമായ ഒരു ദിവസം ആശംസിക്കുന്നു എന്നാണ് ചിത്രത്തിന്റെ അടിക്കുറിപ്പ്. എമിറേറ്റിലെ കിരീടാവകാശിയുടെ ആരാധകരും അനുയായികളും ചിത്രത്തിന് താഴെ കമന്റുകളുമായി എത്തിയിട്ടുണ്ട്. ഈ ചിത്രം 30 മിനിറ്റിനുള്ളിൽ 100,000 ലൈക്കുകളും 2,500 കമന്റുകളും നേടി.
