ദോഹ കോർണിഷ് റോഡിലെയും, റാസ് അബു അബൂദ് റോഡിലെയും ചിലയിടങ്ങളിൽ ചൊവ്വാഴ്ച യാത്രാ നിയന്ത്രണം ഏർപ്പെടുത്തുമെന്ന് ആഭ്യന്തര മന്ത്രാലയം അറിയിച്ചു. കോർണിഷ് റോഡിൽ ഷർഖ് ഇന്റർസെക്ഷൻ സിഗ്നലിൽനിന്നും ഷെറാട്ടണിലേക്കുള്ള പാത അടച്ചിടും. ദോഹ പോർട്ടിലേക്കുള്ള യാത്രക്കാർ റഫ ഇന്റർസെക്ഷനിലെ (സനാ) ബദൽ റോഡുകൾ വഴി യാത്ര ചെയ്യാവുന്നതാണ്.
അതേസമയം റാസ് അബൂഅബൂദ് റോഡിൽ ജി റിങ്ങിൽ അൽ വക്റയിൽ നിന്നും ഹമദ് വിമാനത്താവളത്തിലേക്കുള്ള പാത താൽകാലികമായി അടച്ചിടുമെന്നും അറിയിച്ചിട്ടുണ്ട്. കൂടാതെ എയർപോർട്ടിലേക്കുള്ള യാത്രക്കാർ സബാഹ് അൽ അഹമ്മദ് കോറിഡോർ റോഡ് ഉപയോഗപ്പെടുത്തണമെന്നും മന്ത്രാലയം അറിയിച്ചു.
