മസ്കറ്റ് ഇന്ത്യൻ എംബസിയുടെ കോൺസുലാർ ക്യാമ്പ് ഡിസംബർ 22ന് സലാലയിൽ വച്ച് നടക്കുമെന്ന് അധികൃതർ അറിയിച്ചു. രാവിലെ എട്ട് മണി മുതൽ വൈകുന്നേരം 3.30വരെ സലാലയിലെ ഇന്ത്യൻ സോഷ്യൽ ക്ലബ് ഹാളിലായിരിക്കും ക്യാമ്പ് നടക്കുക. പാസ്‌പോർട്ട്, വിസ, അറ്റസ്റ്റേഷൻ, കമ്മ്യൂണിറ്റി വെൽഫെയർ സേവനങ്ങൾതുടങ്ങിയവയുമായി ബന്ധപ്പെട്ട വിവരങ്ങളും മറ്റും ക്യാമ്പിൽ ലഭ്യമാകും.
അതേസമയം സലാലയിലും സമീപ പ്രദേശങ്ങളിലുമുള്ള ഇന്ത്യൻ പൗരന്മാർക്ക് മുൻകൂട്ടി ബുക്ക് ചെയ്യാതെ തന്നെ ക്യാമ്പിൽ പങ്കെടുക്കാനുള്ള അവസരമുണ്ട്. ക്യാമ്പിലെ വെൽഫെയർ ഓഫിസറോട് തൊഴിൽ പരാതികളും ഉന്നയിക്കാം. കൂടുതൽ വിവരങ്ങൾക്ക് 98282270, 91491027, 23235600 എന്നീ നമ്പറുകളിൽ ബന്ധപ്പെടാം. അംബാസഡറുടെ കമ്മ്യൂണിറ്റി ആൻഡ് വെൽഫയർ ഉപദേഷ്ടാവ് പ്രദീപ്കുമാർ, എംബസി ഉദ്യോഗസ്ഥരായ ഷർമേഷ് ചക്രവർത്തി, അഫ്സൽ, മുഹമ്മദ് ഇബ്രാഹിം ഖാൻ എന്നിവർ ക്യാമ്പിൽ പങ്കെടുക്കുമെന്ന് സലാല കോൺസുലാർ ഏജന്റ് ഡോ. കെ.സനാതനൻ അറിയിച്ചു.
