ഖത്തറിലെ ലുസൈൽ ബുലവാർഡിലേക്കുള്ള പ്രവേശനം ഫെബ്രുവരി 17 വരെ കാൽനട യാത്രികർക്ക് മാത്രമായി പരിമിതപ്പെടുത്തി. ലുസൈൽ ബുലവാർഡിൽ നടക്കാനിരിക്കുന്ന പരിപാടികളുടെ തയ്യാറെടുപ്പുകളുമായി ബന്ധപ്പെട്ട് മെയിൻ റോഡിലെ ഗതാഗതം നിയന്ത്രിക്കുന്നതിന്റെ ഭാഗമായാണ് നടപടിയെന്ന് ലുസൈൽ സിറ്റി അധികൃതർ അറിയിച്ചു.
കൂടാതെ, ലുസൈൽ ബുലവാർഡ് മെയിൻ റോഡ് അടച്ചിടുന്നത് സംബന്ധിച്ചും ഈ മേഖലയിൽ തുറന്നിരിക്കുന്ന മറ്റു റോഡുകളെക്കുറിച്ചും മന്ത്രാലയം പൊതുജനങ്ങൾക്ക് അറിയിപ്പുകൾ നൽകിയിട്ടുണ്ട്. ഫോക്സ് ഹിൽസ് അൽ ജുമായിലിയാഹ് മുതൽ ലുസൈൽ ബുലവാർഡ് വരെയുള്ള പ്രധാന റോഡുകളും നിയന്ത്രണങ്ങളുടെ ഭാഗമായി അടച്ചിടും. ഈ മേഖലയിലെ മറ്റു റോഡുകളിൽ ഗതാഗതം അനുവദിക്കുമെന്നും അധികൃതർ അറിയിച്ചു.
