2023-24 സീസണിൽ ഗ്ലോബൽ വില്ലേജിലേക്ക് സന്ദർശകർക്ക് സേവനം നൽകുന്നതിനായി നാല് ബസ് റൂട്ടുകൾ കൂടി ആരംഭിക്കാനൊരുങ്ങി ദുബായ് റോഡ്‌സ് ആൻഡ് ട്രാൻസ്‌പോർട്ട് അതോറിറ്റി (ആർടിഎ). സേവനങ്ങൾ ഒക്ടോബർ 18-ന് ആരംഭിക്കും. അതേ ദിവസം തന്നെ ഗ്ലോബൽ വില്ലേജിന്റെ 28-ാം സീസൺ ആരംഭിക്കുകയും ചെയ്യും.
ഗ്ലോബൽ വില്ലേജിലേക്കുള്ള ഒരു യാത്രയുടെ നിരക്ക് 10 ദിർഹമാണ്. സേവനത്തിനായി ആർടിഎ ഡീലക്സ് കോച്ചുകളും വിന്യസിക്കുന്നുണ്ട്. ഗ്ലോബൽ വില്ലേജിൽ ആർടിഎ ഇലക്ട്രിക് അബ്ര സർവീസ് പുനരാരംഭിക്കും. വൈദ്യുതി ഉപയോഗിച്ച് പ്രവർത്തിക്കുന്ന രണ്ട് പരമ്പരാഗത ബോട്ടുകൾ പാർക്കിലെ വാട്ടർ കനാലിലൂടെയും സർവീസ് നടത്തും.
ലോകമെമ്പാടുമുള്ള വിനോദം, ഷോപ്പിംഗ് അനുഭവങ്ങൾ, പാചകരീതികൾ എന്നിവ ഉൾക്കൊള്ളുന്നതാണ് ഗ്ലോബൽ വില്ലേജ്. യുഎഇയുടെ ശൈത്യകാലത്ത് തുറക്കുന്ന ഒരു ജനപ്രിയ സ്ഥലമാണിത്. 1997-ൽ ആരംഭിച്ചതിന് ശേഷം 100 ദശലക്ഷത്തിലധികം സന്ദർശകരെ ഇവിടം സ്വാഗതം ചെയ്തിട്ടുണ്ട്. ഈ സീസണിലെ എൻട്രി ടിക്കറ്റ് നിരക്ക് 22.5 ദിർഹം മുതൽ ആരംഭിക്കും.
ബസ് റൂട്ടുകൾ
>> റൂട്ട് 102: റാഷിദിയ ബസ് സ്റ്റേഷനിൽ നിന്ന് ഓരോ മണിക്കൂറിലും.
>> റൂട്ട് 103: അൽ ഇത്തിഹാദ് ബസ് സ്റ്റേഷനിൽ നിന്ന് ഓരോ 40 മിനിറ്റിലും.
>> റൂട്ട് 104: അൽ ഗുബൈബ ബസ് സ്റ്റേഷനിൽ നിന്ന് ഓരോ മണിക്കൂറിലും.
>> റൂട്ട് 106: മാൾ ഓഫ് എമിറേറ്റ്സ് ബസ് സ്റ്റേഷനിൽ നിന്ന് ഓരോ മണിക്കൂറിലും.
