യുഎഇ ദേശീയ ദിനത്തിന്റെ ഭാഗമായി സ്വകാര്യ മേഖലയിലെ ജീവനക്കാർക്ക് അവധി പ്രഖ്യാപിച്ചു. വാരാന്ത്യ അവധി ഉൾപ്പെടെ 4 ദിവസത്തെ അവധിയാണ് ജീവനക്കാർക്ക് ലഭിക്കുക.
സ്വകാര്യ മേഖലയിലെ ജീവനക്കാർക്ക് ഡിസംബർ 2, 3 (തിങ്കൾ, ചൊവ്വ) ദിവസങ്ങളിൽ ശമ്പളത്തോടുകൂടിയ അവധി ലഭിക്കുമെന്ന് ഹ്യൂമൻ റിസോഴ്സസ് ആന്റ് എമിറേറ്റൈസേഷൻ മന്ത്രാലയമാണ് (മൊഹ്രെ) അറിയിച്ചത്. ഇതോടൊപ്പം ശനി, ഞായർ ദിവസങ്ങളിലെ വാരാന്ത്യ അവധി കൂടി കണക്കാക്കുമ്പോൾ തുടർച്ചയായ 4 ദിവസമാണ് അവധി ലഭിക്കുക.
രാജ്യത്തെ സർക്കാർ ജീവനക്കാർക്കും ഡിസംബർ 2, 3 തിയ്യതികളിൽ ശമ്പളത്തോട് കൂടിയ അവധി പ്രഖ്യാപിച്ചിരുന്നു.
