ഹിജ്റ പുതുവർഷത്തോടനുബന്ധിച്ച് ഒമാൻ സുൽത്താൻ ഹൈതം ബിൻ താരിഖ് അറബ്, ഇസ്ലാമിക രാജ്യങ്ങളിലെ നേതാക്കൾക്ക്‌ ആശംസകൾ കൈമാറി. സന്തോഷവും ദീർഘായുസ്സും നേരുകയാണെന്നും കടന്നുവരുന്നത് നല്ലൊരു വർഷമാകട്ടെയെന്നും അദ്ദേഹം ആശംസിച്ചു. കൂടാതെ ഇസ്ലാമിക രാഷ്ട്രങ്ങൾക്ക് കൂടുതൽ ക്ഷേമവും സമൃദ്ധിയും കൈവരിക്കാൻ സർവശക്തനോട് പ്രാർഥിക്കുകയാണെന്നും കേബിൾ സന്ദേശത്തിലൂടെ സുൽത്താൻ അറിയിച്ചു.
അതേസമയം അറബ്, മുസ്ലിം രാജ്യങ്ങളിലെ നേതാക്കൾ ഒമാൻ സുൽത്താനും ആശംസകൾ കൈമാറി. ആരോഗ്യവും സന്തോഷവും ദീർഘായുസ്സും നേരുന്നു. സുൽത്താന് കീഴിൽ ഒമാൻ ജനത കൂടുതൽ പുരോഗതിയും അഭിവൃദ്ധിയും കൈവരിക്കട്ടെയെന്നും ആശംസ സന്ദേശത്തിൽ അറബ് നേതാക്കൾ കൂട്ടിച്ചേർത്തു.
