ബഹീരാകാശം വരെ കീഴടക്കി യുഎഇയിലെ വനിതകൾ. വനിതകളുടെ സ്വാധീനമില്ലാത്ത ഒരു മേഖലയും ഇന്നില്ല. എമിറാത്തി വനിതയുടെ മറ്റൊരു നേട്ടം കൂടി നോക്കിയാലോ?
ഷാർജയിലെ ആദ്യത്തെ എമിറാത്തി വനിതാ എയർ ട്രാഫിക് കൺട്രോൾ ഓഫീസറായിരിക്കുകയാണ് (എടിസിഒ) മറിയം അൽ ഹമ്മദി. ഇൻ്റർനാഷണൽ സിവിൽ ഏവിയേഷൻ ഓർഗനൈസേഷൻ്റെ (ICAO) പരിശീലന പരിപാടി റെക്കോർഡ് സമയത്തിനുള്ളിൽ പൂർത്തിയാക്കാൻ അൽ ഹമ്മദിക്ക് കഴിഞ്ഞു.
കോഴ്സുകൾ വിജയകരമായി പൂർത്തിയാക്കി
ഡിപ്പാർട്ട്‌മെൻ്റിൽ ചേർന്ന് 3 വർഷത്തിനുള്ളിൽ അൽ ഹമ്മദി നിരവധി കോഴ്സുകൾ വിജയിക്കുകയും സർട്ടിഫിക്കറ്റുകൾ നേടുകയും ചെയ്തു. ICA0 051, ICA0 052, ATCO Pre-OJT, ATCO OJT, കൂടാതെ ATCO പ്രൊഫിഷ്യൻസി ടെസ്റ്റിംഗ് പരീക്ഷ എന്നിയാണ് അൽ ഹമ്മദി വിജയകരമായി പൂർത്തിയാക്കിയത്.
ഷാർജയിലെ സിവിൽ ഏവിയേഷൻ ഡിപ്പാർട്ട്‌മെൻ്റ് (ഡിസിഎ) മായി അഫിലിയേറ്റ് ചെയ്‌ത ഷാർജ എയർപോർട്ടിലെ എയർ ട്രാഫിക് കൺട്രോൾ ടവറിൽ വിമാന പ്രവർത്തനങ്ങൾ നിയന്ത്രിക്കുകയും വിമാനങ്ങളുടെ സുരക്ഷിതമായ ലാന്റിംഗ് റിപ്പോർട്ടുകളും സംബന്ധിച്ച്, അൽ ഹമ്മദി അവളെ ഏൽപ്പിച്ച എല്ലാ ജോലികളും കൃത്യമായി നിർവഹിച്ചു. കഴിഞ്ഞ വർഷം ഷാർജ എയർപോർട്ടിലെ എയർ കൺട്രോൾ ഡിപ്പാർട്ട്‌മെൻ്റ് 1,04,000-ലധികം വിമാനങ്ങൾ കൈകാര്യം ചെയ്തിട്ടുണ്ട്, പ്രതിദിനം 364 വിമാനങ്ങളും.
അഭിനന്ദന പ്രവാഹം
എല്ലാ മേഖലകളിലും വിജയം കൈവരിക്കാൻ സ്ത്രീകളെ പിന്തുണയ്ക്കാനും പ്രാപ്തരാക്കാനും ഡിസിഎയ്ക്ക് താൽപ്പര്യമുണ്ടെന്ന് ഷാർജ സിവിൽ ഏവിയേഷൻ വകുപ്പ് ചെയർമാൻ ഷെയ്ഖ് ഖാലിദ് ബിൻ എസ്സാം അൽ ഖാസിമി പറഞ്ഞു. കൂടാതെ എയർ ട്രാഫിക് കൺട്രോളിൽ
ജോലി ചെയ്യുന്ന ആദ്യത്തെ എമിറാത്തി വനിതയുടെ സാന്നിധ്യത്തിൽ അഭിമാനമുണ്ടെന്നും ഷെയ്ഖ് ഖാലിദ് ബിൻ എസ്സാം അൽ ഖാസിമി കൂട്ടിച്ചേർത്തു. ഷാർജയിലെ ആദ്യത്തെ എമിറാത്തി എറ്റ്‌സിഒ ആയതിൽ അഭിമാനമുണ്ടെന്ന് മറിയം അൽ ഹമ്മദി പറഞ്ഞു.
