ഇന്ത്യയിലേക്കുള്ള സർവ്വീസ് ആരംഭിച്ചിട്ട് 20 വർഷം പൂർത്തിയാക്കുകയാണ് ഇത്തിഹാദ് എയർവേയ്‌സ്. ഈ സാഹചര്യത്തിൽ ഇന്ത്യയിലെ യാത്രക്കാർക്ക് വമ്പൻ ഓഫറാണ് എയർലൈൻസ് വാഗ്ദാനം ചെയ്യുന്നത്. ഇന്ത്യയിലേക്കുള്ള ടിക്കറ്റുകൾക്ക് 20 ശതമാനം വരെ കിഴിവ് പ്രഖ്യാപിച്ചിരിക്കുകയാണ് കമ്പനി.
ഇന്ന് മുതൽ സെപ്റ്റംബർ 21 വരെയാണ് ഇന്ത്യയിലേക്കും തിരിച്ചുമുള്ള വിമാനങ്ങൾക്ക് വിലക്കുറവിൽ ടിക്കറ്റുകൾ ബുക്ക് ചെയ്യാൻ സാധിക്കുക. എന്നാൽ ഒക്ടോബർ 1 മുതൽ 2025 മാർച്ച് 15 വരെയുള്ള യാത്രകൾക്ക് മാത്രമാണ് ഈ ഓഫർ ലഭിക്കുക. മാത്രമല്ല, etihad.com വഴി ബുക്ക് ചെയ്യുകയും വേണം.
2004 സെപ്തംബർ 26-ന് മുംബൈയിലേയ്ക്കാണ് ഇത്തിഹാദ് ഇന്ത്യയിലേയ്ക്കുള്ള ആദ്യ സർവ്വീസ് നടത്തിയത്. തുടർന്ന് 2004 ഡിസംബർ 1-ന് ഡൽഹിയിലേയ്ക്കും വ്യാപിപ്പിച്ച ഇത്തിഹാദ് ഇന്ന് ഇന്ത്യയിലെ നിരവധി സംസ്ഥാനങ്ങളിലേയ്ക്കാണ് പറന്നിറങ്ങുന്നത്.
