മൂന്നാമത് ലിവ ഈന്തപ്പഴ മേളയ്ക്കും ലേലത്തിനും ഒക്ടോബർ 11-ന് തുടക്കമാകും. അബുദാബിയിലെ അൽ ദഫ്‌റ മേഖലയിലെ മദീനത് സായിദിലാണ് ഈന്തപ്പഴ മേള നടക്കുന്നത്.
അബുദാബി ഹെറിറ്റേജ് അതോറിറ്റിയുടെ നേതൃത്വത്തിൽ സംഘടിപ്പിക്കുന്ന മേള ഒക്ടോബർ 20-നാണ് സമാപിക്കുക. കാർഷിക സംസ്കാരം വളർത്തിയെടുക്കുക, ഭക്ഷ്യസുരക്ഷ ഉറപ്പുവരുത്തുക, സുസ്ഥിര കാർഷിക ഉല്പാദനം നടത്തുക തുടങ്ങിയ ലക്ഷ്യങ്ങളോടെയാണ് ഈന്തപ്പഴ മേള ഒരുക്കുന്നത്.
ഈന്തപ്പഴ മേളയോടൊപ്പം ലേലലും നടക്കും. മാത്രമല്ല, സാംസ്‌കാരിക പരിപാടികൾ, വിനോദവിജ്ഞാന പരിപാടികൾ, സെമിനാറുകൾ തുടങ്ങിയവയും മേളയിൽ സംഘടിപ്പിക്കുന്നുണ്ട്.
