യുഎഇ, കുവൈത്ത്, ഖത്തർ, ബഹ്റൈൻ, ഒമാൻ തുടങ്ങിയ രാജ്യങ്ങളിൽ ഇന്ന് പെരുന്നാൾ ആഘോഷമാണ്. യു.എ.ഇ.പ്രസിഡന്റ് ഷെയ്ഖ് മുഹമ്മദ് ബിൻ സായിദ് അൽ നഹ്യാൻ, യു.എ.ഇ. വൈസ് പ്രസിഡന്റും പ്രധാനമന്ത്രിയും ദുബായ് ഭരണാധികാരിയുമായ ഷെയ്ഖ് മുഹമ്മദ് ബിൻ റാഷിദ് അൽ മക്തൂം, ഷെയ്ഖ ഫാത്തിമ ബിൻത് മുബാറക്, വൈസ് പ്രസിഡന്റും ഉപപ്രധാനമന്ത്രിയും പ്രസിഡൻഷ്യൽ കോർട്ട് ചെയർമാനുമായ ഷെയ്ഖ് മൻസൂർ ബിൻ സായിദ് അൽ നഹ്യാൻ ഉൾപ്പെടെ വിവിധ എമിറേറ്റുകളുടെ ഭരണാധികാരികളും കിരീടാവകാശികളും പെരുന്നാൾ ആശംസകൾ അറിയിച്ചു.
എമിറേറ്റ്സിലെ ജനങ്ങൾക്കും എല്ലാ അറബ്, ഇസ്ലാമിക ജനതകൾക്കും ഈദ് ആശംസകൾ നേരുന്നുന്നു എന്ന് യുഎഇ വൈസ് പ്രസിഡൻ്റും യുഎഇ പ്രധാനമന്ത്രിയും ദുബായ് ഭരണാധികാരിയുമായ ഷെയ്ഖ് മുഹമ്മദ് ബിൻ റാഷിദ് അൽ മക്തൂം സോഷ്യൽ മീഡിയയിലെ തൻ്റെ സന്ദേശത്തിൽ കുറിച്ചു. “ദൈവം നമ്മുടെ എല്ലാവരുടെയും മേൽ അനുഗ്രഹങ്ങൾ ചൊരിയട്ടെ, ഈ സന്തോഷകരമായ നിമിഷം നന്മയോടും സമൃദ്ധിയോടും കൂടി ആഘോഷിക്കാൻ ഞങ്ങൾക്ക് അവസരം നൽകട്ടെ. ഈ അനുഗ്രഹീത മാസത്തിലെ നന്മപ്രവർത്തികൾ സ്വീകരിക്കപ്പെടട്ടെ.”എന്നും അദ്ദേഹം എക്സിൽ കുറിച്ചു.
ദുബായ് കിരീടാവകാശിയും ദുബായ് എക്‌സിക്യൂട്ടീവ് കൗൺസിൽ ചെയർമാനുമായ ഷെയ്ഖ് ഹംദാൻ ബിൻ മുഹമ്മദ് ബിൻ റാഷിദ് അൽ മക്തൂമും എല്ലാവർക്കും ആശംസകൾ നേർന്നു.
