പുണ്യ റമദാൻ മാസത്തിൽ യാത്രക്കാർക്ക് ഇഫ്താർ ബോക്സുകൾ വിതരണം ചെയ്യുന്നതിന് തുടക്കമിട്ട് ബഹ്‌റൈൻ ഇന്റർനാഷണൽ എയർപോർട്ടിന്റെ (ബി.ഐ.എ) ഓപറേറ്ററും മാനേജിങ് ബോഡിയുമായ ബഹ്‌റൈൻ എയർപോർട്ട് കമ്പനി (ബി.എ.സി). റമദാനിന്റെ ചൈതന്യം ഉൾക്കൊള്ളാൻ ലക്ഷ്യമിട്ടുള്ള ബി.എ.സിയുടെ സാമൂഹിക ഉത്തരവാദിത്തത്തിന്റെ ഭാഗമായാണ് ഇഫ്താർ ബോക്സുകൾ വിതരണം ചെയ്യുന്നത്.
ബഹ്‌റൈൻ എയർപോർട്ട് കമ്പനി, ഗൾഫ് എയർ ഗ്രൂപ് (ജി.എഫ്.ജി), ഗൾഫ് എയർ (ജി.എഫ്) എന്നിവർ ചേർന്നാണ് യാത്രക്കാർക്ക് ഇഫ്താർ ബോക്സുകൾ വിതരണം ചെയ്യുന്നത്. നോമ്പ് നോറ്റ് യാത്ര ചെയ്യുന്നവർക്ക് ഇത് വലിയ ആശ്വാസമാണ്.
