യുഎഇ സ്വാത് ചലഞ്ചിന്റെ അഞ്ചാം പതിപ്പിന് ദുബായിൽ ഉജ്ജ്വല തുടക്കമായി. അഞ്ച് ചാലഞ്ചുകളിലായി ലോക നിലവാരമുള്ള ടീമുകളാണ് മാറ്റുരയ്ക്കുന്നത്. ദുബായ് പൊലീസ് കമാൻഡർ ഇൻ ചീഫ് ലഫ്. ജനറൽ അബ്‌ദുല്ല ഖലീഫ അൽ മർറിയുടെ സാന്നിധ്യത്തിലാണ് ചലഞ്ച് ഉദ്ഘാടനം ചെയ്തത്.
70 രാജ്യങ്ങളിൽ നിന്നുള്ള 100 ലധികം സ്വാത് ടീമുകളാണ് മത്സരങ്ങളിൽ പങ്കെടുക്കുന്നത്. 5 ചാലഞ്ചുകളിലായി 5,000 പ്രകടനങ്ങളാണ് ഉണ്ടായിരിക്കുക. മത്സരങ്ങളിൽ വിജയിക്കുന്നവർക്ക് വൻതുകയാണ് എല്ലാ ദിവസവും സമ്മാനമായി നൽകുക. മത്സരങ്ങൾ ആസ്വദിക്കുന്നതിനായി പൊതുജനങ്ങൾക്ക് സൗജന്യ പ്രവേശനവും ലഭ്യമാക്കിയിട്ടുണ്ട്.
ഫെബ്രുവരി 7 വരെയാണ് യുഎഇ സ്വാത് ചാലഞ്ച് നീണ്ടുനിൽക്കുന്നത്. മത്സരത്തിന്റെ ഭാഗമായി ദുബായ് പൊലീസിന്റെ ബാൻഡ് പ്രകടനം, കരിമരുന്ന് കലാപ്രകടനം ഉൾപ്പെടെയുള്ള പരിപാടികളും ഒരുക്കിയിട്ടുണ്ട്.
