കോഴിക്കോട് പ്രൈവറ്റ് ബസിന് മുന്നിൽ സ്‌കൂട്ടറുമായി അഭ്യാസപ്രകടനം നടത്തിയ യുവാവിനെതിരെ പൊലീസ് കേസെടുത്തു. ബസിന് തടസം സൃഷ്ടിച്ച് വണ്ടിയോടിച്ചതിന് കല്ലായി സ്വദേശി ഫർഹാനെതിരെ പന്നിയങ്കര പൊലീസാണ് കേസെടുത്തത്.
സിഗ്‌ സാഗ്‌ മാനറിൽ യുവാവ് നടത്തിയ അഭ്യാസപ്രകടനം വൈറലായിരുന്നു. മീറ്ററുകളോളമാണ് ബസ്സിന് തടസ്സം സൃഷ്ടിച്ച് യുവാവ് സ്‌കൂട്ടറുമായി അഭ്യാസ പ്രകടനം നടത്തിയത്.
യുവാവ് മദ്യ ലഹരിയിലായിരുന്നുവെന്ന് പൊലീസ് പറയുന്നു. ഇയാളുടെ ലൈസൻസ് സസ്പെൻഡ് ചെയ്യാനുള്ള നടപടി ആരംഭിച്ചുവെന്ന് ആർടിഒ അറിയിച്ചു.
