ഒമാനിൽ നെയ്മീൻ പിടിക്കുന്നതിന് ഓഗസ്റ്റ് 15 മുതൽ വിലക്ക്, രണ്ട് മാസത്തേക്ക് നിരോധനം നീളും 

ഒമാന്റെ സ​മു​ദ്ര​ ഭാ​ഗ​ത്ത് നി​ന്ന് ചെ​റി​യ​ നെ​യ്​​മീ​ൻ (അ​യ​ക്കൂ​റ) പി​ടി​ക്കു​ന്ന​തി​ന്​ ഈ ​മാ​സം 15 മു​ത​ൽ വി​ല​ക്കേർപ്പെടുത്തി. രണ്ട് മാ​സ​ത്തേ​ക്കാ​ണ്​ മ​ത്സ്യ​ബ​ന്ധ​ന​ത്തി​ന്​ നി​രോ​ധ​നം ഏ​ർ​​പ്പെ​ടു​ത്തി​യി​ട്ടു​ള്ള​ത്. ഏ​റെ ജ​ന​പ്രി​യ​മാ​യ മീ​നി​ന്‍റെ പ്ര​ജ​ന​ന​കാ​ലം പ​രി​ഗ​ണി​ച്ചാ​ണ്​ അ​ധി​കൃ​ത​ർ ഈ ഉ​ത്ത​ര​വ്​ പു​റ​പ്പെ​ടു​വി​ച്ച​ത്.

65 സെന്റി മീ​റ്റ​റി​ൽ കു​റ​ഞ്ഞ വ​ലു​പ്പ​മു​ള്ള മീ​നു​ക​ൾ പി​ടി​ക്കു​ന്ന​തി​നാ​ണ്​ വി​ല​ക്ക്‌ ഏർപ്പെടുത്തിയിരിക്കുന്നത്. കൂടാതെ നി​ശ്ചി​ത വ​ലു​പ്പ​ത്തി​ലുള്ള കു​റ​ഞ്ഞ മീ​നു​ക​ൾ വ​ല​യി​ൽ ​പെ​ട്ടാ​ൽ അ​തി​വേ​ഗം ക​ട​ലി​ൽ തി​രി​ച്ചി​ട​ണ​മെ​ന്നും അ​ധി​കൃ​ത​ർ മ​ത്സ്യ​ത്തൊ​ഴി​ലാ​ളി​ക​ളോ​ട്​ നി​ർ​ദേ​ശി​ച്ചു. ഈ ​ഇ​ന​ത്തി​ൽ ഉ​ൾ​പ്പെ​ട്ട നെ​യ്മീ​ൻ സൂ​ക്ഷി​ച്ച് വയ്ക്കു​ന്ന​തും വി​ൽ​പ​ന ന​ട​ത്തു​ന്ന​തു​മെ​ല്ലാം നി​രോ​ധ​ന​ത്തി​ൽ ഉ​ൾ​പ്പെ​ടുമെന്ന് അധികൃതർ അറിയിച്ചു. വി​ല​ക്ക്​ ലം​ഘി​ക്കു​ന്ന​വ​ർ നി​യ​മ​ന​ട​പ​ടി നേ​രി​ടേ​ണ്ടി​വ​രു​മെ​ന്നും അ​ധി​കൃ​ത​ർ കൂട്ടിച്ചേർത്തു.

ക​ഴി​ഞ്ഞ വ​ർ​ഷ​വും ഇ​തേ കാ​ല​യ​ള​വി​ൽ ഗ​ൾ​ഫ്​ രാ​ജ്യ​ങ്ങ​ൾ സ​മാ​ന​മാ​യ നിരോധനം ഏർപ്പെടുത്തിയിരുന്നു. അ​റേ​ബ്യ​ൻ ഗ​ൾ​ഫ്​ മേ​ഖ​ല​യി​ലെ രാ​ജ്യ​ങ്ങ​ൾ സം​യു​ക്ത​മാ​യി എ​ടു​ത്ത തീ​രു​മാ​ന​ത്തി​ന്‍റെ അ​ടി​സ്ഥാ​ന​ത്തി​ലാ​ണ്​ ന​ട​പ​ടി സ്വീ​ക​രിച്ചു പോരുന്നത്. യുഎഇ, ഖ​ത്ത​ർ, സൗ​ദി അ​റേ​ബ്യ, കു​വൈ​ത്ത്, ബ​ഹ്​​റൈ​ൻ എ​ന്നീ രാ​ജ്യ​ങ്ങ​ളും വൈ​കാ​തെ നി​രോ​ധ​ന ഉ​ത്ത​ര​വ്​ പു​റ​ത്തി​റ​ക്കുമെന്നാണ് സൂചന.