ഐക്യരാഷ്ട്രസഭയിലെ ഇന്ത്യയുടെ സ്ഥിരം പ്രതിനിധിയായി നയതന്ത്രജ്ഞ രുചിര കാംബോജിനെ തെരഞ്ഞെടുത്തു. ഭൂട്ടാനിലെ അംബാസഡറായി പ്രവർത്തിച്ചുവരികയായിരുന്നു. ഇന്ത്യന്‍ ഫോറിന്‍ സര്‍വീസിലെ 1987 ബാച്ചിലെ ഉദ്യോഗസ്ഥയാണ് രുചിര. യുഎൻ പ്രതിനിധിയായി ഉടന്‍ തന്നെ ചുമതല ഏറ്റെടുക്കുമെന്ന് വിദേശകാര്യ മന്ത്രാലയം അറിയിച്ചു.
1987 സിവില്‍ സര്‍വീസ് ബാച്ചിലെ അഖിലേന്ത്യ വനിതാ ടോപ്പറായിരുന്നു. കൂടാതെ ഐഎഫ്എസ് ബാച്ചിലെ ടോപ്പറുമായിരുന്നു രുചിത. ഫ്രാന്‍സ്, മൗറീഷ്യസ്, ദക്ഷിണാഫ്രിക്ക എന്നിവിടങ്ങളിൽ നടത്തിയ ഇന്ത്യന്‍ മിഷനുകൾ, 2017-2019 കാലയളവില്‍ ദക്ഷിണാഫ്രിക്കയിലെ ഹൈക്കമ്മീഷണർ എന്നീ നിലകളിലും സേവനമനുഷ്ഠിച്ചിട്ടുണ്ട്.
1991-1996 കാലത്ത് യൂറോപ്പ് വെസ്റ്റ് ഡിവിഷനില്‍ അണ്ടര്‍ സെക്രട്ടറിയായിരുന്നു. കോമണ്‍ വെല്‍ത്ത് രാജ്യങ്ങള്‍ തമ്മിലുള്ള നായതന്ത്രബന്ധങ്ങളില്‍ പ്രധാന പങ്ക് വഹിച്ചയാളാണ് രുചിര. സ്ഥിരം പ്രതിനിധി ആയിരുന്ന ടി എസ് തിരുമൂര്‍ത്തി വിരമിച്ചതോടെയാണ് രുചിതയെ തിരഞ്ഞെടുത്തത്.
