സൗദി അറേബ്യയിൽ വന്‍ ലഹരി മരുന്ന് വേട്ട. അറസ്റ്റിൽ ആയവരിൽ ഇന്ത്യക്കാരനും ഉണ്ടെന്ന് റിപ്പോർട്ട്‌. അസീര്‍ പ്രവിശ്യയിലെ വ്യത്യസ്ത സ്ഥലങ്ങളിലായി ജനറല്‍ ഡയറക്ടറേറ്റ് ഓഫ് നാര്‍കോട്ടിക്‌സ് കണ്‍ട്രോള്‍ നടത്തിയ മൂന്ന് ഓപ്പറേഷനുകളില്‍ 693 കിലോ ഹഷീഷ് ആണ് പിടികൂടിയത്.
അതേസമയം ലഹരി മരുന്ന് ശേഖരങ്ങള്‍ സൂക്ഷിച്ച 10 പേരെ അറസ്റ്റ് ചെയ്യുകയും ഉണ്ടായി. പിടിയിലായ പ്രതികളില്‍ അഞ്ച് പേര്‍ നുഴഞ്ഞ് കയറ്റക്കാരായ ഇത്യോപ്യക്കാരും ഒരാള്‍ ഇന്ത്യക്കാരനും നാലു പേര്‍ സൗദി പൗരന്മാരുമാണ്. നിയമാനുസൃത നടപടികള്‍ പൂര്‍ത്തിയാക്കിയതിന് ശേഷം പ്രതികളെ പബ്ലിക് പ്രോസിക്യൂഷന് കൈമാറിയതായി ജനറല്‍ ഡയറക്ടറേറ്റ് ഓഫ് നാര്‍കോട്ടിക്‌സ് കണ്‍ട്രോള്‍ വക്താവ് മര്‍വാന്‍ അല്‍ഹാസിമി അറിയിച്ചു.
