മയക്കുമരുന്ന് കൈവശം വച്ചതിന് നാല് വിദേശികൾ ഒമാനിൽ പിടിയിലായി. അനധികൃതമായി രാജ്യത്തേക്ക് മയക്കുമരുന്നുമായി പ്രവേശിച്ചതിനുമാണ് നാല് വിദേശികളെ റോയൽ ഒമാൻ പൊലീസ് അറസ്റ്റ് ചെയ്തത്. തെക്കൻ ബാത്തിന ഗവർണറേറ്റ് പൊലീസ് കമാൻഡാണ് ഏഷ്യൻ വംശജരായ പ്രതികളെ പിടികൂടുന്നത്.
പിടികൂടിയവരിൽ നിന്ന് മോർഫിൻ, ക്രിസ്റ്റൽ മെത്ത്, ഹെറോയിൻ എന്നിവ കണ്ടെടുക്കുകയും ചെയ്തിട്ടുണ്ട്. ഇവർക്കെതിരെയുള്ള നിയമ നടപടികൾ പൂർത്തിയായി വരുകയാണെന്ന് റോയൽ ഒമാൻ പൊലീസ് അറിയിച്ചു.
