2023-ലെ ഇന്ത്യയുടെ വിൻഡീസ് പര്യടനത്തിന്റെ ഡിജിറ്റൽ തത്സമയ സംപ്രേഷണാവകാശം ജിയോ സിനിമയ്ക്ക്. ഇംഗ്ലീഷ്, ഹിന്ദി, ഭോജ്പുരി, പഞ്ചാബി, തമിഴ്, തെലുങ്ക്, കന്നഡ എന്നീ ഭാഷകളിലാണ് ജിയോ സിനിമ തത്സമയ ഡിജിറ്റൽ സംപ്രേക്ഷണം നടത്തുക.
ഇന്ത്യയിൽ ആദ്യമായാണ് ഏഴ് ഭാഷകളിൽ ഒരുമിച്ച് ക്രിക്കറ്റ് പരമ്പരയുടെ തത്സമയ ഡിജിറ്റൽ സംപ്രേഷണം ചെയ്യുന്നത്. 2023ലെ ഐപിഎൽ മത്സരങ്ങളുടെ കാഴ്ചക്കാരായവരിൽ 73% പേരും ജിയോ സിനിമയിലൂടെയാണ് കണ്ടതെന്ന് റിപ്പോർട്ട് ചെയ്യപ്പെട്ടിരുന്നു. ആ റെക്കോർഡ് വിൻഡീസ് പര്യടനം തകർക്കുമെന്നാണ് വിലയിരുത്തപ്പെടുന്നത്.
ജൂലായ് 12ന് ആണ് ഇന്ത്യൻ ക്രിക്കറ്റ് ടീമിന്റെ വെസ്റ്റ് ഇൻഡീസ് പര്യടനം ആരംഭിക്കുക. രണ്ട് ടെസ്റ്റ് മത്സരങ്ങളും മൂന്ന് ഏകദിനമത്സരങ്ങളും അഞ്ച് ടി20 മത്സരങ്ങളും അടങ്ങുന്നതാണ് പരമ്പര. ആദ്യ ടെസ്റ്റ് ജൂലായ് 12നും രണ്ടാം ടെസ്റ്റ് ജൂലായ് 20-നും ആയിരിക്കും നടക്കുക. ജൂലായ് 27, ജൂലായ് 29, ഓഗസ്റ്റ് 1 തീയ്യതികളിലാണ് ഏകദിന മത്സരങ്ങൾ നിശ്ചയിച്ചിരിക്കുന്നത്.
