ഇ-​പേ​​മെ​ന്‍റ്​ സം​വി​ധാ​നം ഏർപ്പെടുത്താത്ത സ്ഥാപനങ്ങൾക്ക് എതിരെ നടപടി ശക്തമാക്കി ഒമാൻ 

ഒമാനിലെ വാ​ണി​ജ്യ സ്ഥാ​പ​ന​ങ്ങ​ളി​ൽ പ​ണ​മി​ട​പാ​ടുകൾ നടത്തുന്നതിന് ഇ-​പേ​​മെ​ന്‍റ്​ സം​വി​ധാ​നം ഏർപ്പെടുത്താത്തതുമായി ബ​ന്ധ​പ്പെ​ട്ട്​ ന​ട​പ​ടി ശ​ക്ത​മാ​ക്കി അ​ധി​കൃ​ത​ർ. മ​സ്ക​ത്ത്​ ഗ​വ​ർ​ണ​റേ​റ്റി​ൽ കഴിഞ്ഞ ര​ണ്ട്​ മാ​സ​ത്തി​നി​ടെ 444 കേ​സു​ക​ൾ ര​ജി​സ്റ്റ​ർ ചെ​യ്​​ത​താ​യി വാ​ണി​ജ്യ, വ്യ​വ​സാ​യ, നി​ക്ഷേ​പ പ്രോ​ത്സാ​ഹ​ന മ​ന്ത്രാ​ല​യം അ​റി​യി​ച്ചു. നി​ര​വ​ധി ക​ട​ക​ളി​ൽ ഇ-​പേ​മെ​ന്റ് സം​വി​ധാ​നം ലഭ്യമല്ല. ഇതുമായി ബ​ന്ധ​പ്പെ​ട്ട് ആ​ളു​ക​ൾ സ​മൂ​ഹ​മാ​ധ്യ​മ​ങ്ങ​ളി​ൽ പ​രാ​തി ഉ​ന്ന​യി​ച്ചി​രു​ന്നു. ഇ​തി​ന്​ പി​ന്നാലെ​യാ​ണ്​ മ​ന്ത്രാ​ല​യം പ്ര​തി​ക​ര​ണ​വു​മാ​യി രംഗത്തെത്തിയത്.

2022 ജ​നു​വ​രി​യി​ലാ​ണ്​ വ്യാ​പാ​ര സ്ഥാ​പ​ന​ങ്ങ​ളി​ൽ ഇ-​പേ​മെ​ന്‍റ്​ സം​വി​ധാ​നം ഏർപ്പെടുത്തണമെന്ന നിയമം അ​ധി​കൃ​ത​ർ നട​പ്പാ​ക്കി​യ​ത്. ഇ​ത​നു​സ​രി​ച്ച് പ​ല സ്ഥാ​പ​ന​ങ്ങ​ളും ഇ-​പേ​​മെൻറ് സം​വി​ധാ​നം ഏ​ർ​പ്പെ​ടു​ത്തി​യി​രു​ന്നു. ഇ​തു​വ​രെ​യും സം​വി​ധാ​നം ഏ​ർ​പ്പെ​ടു​ത്താ​ത്ത സ്ഥാ​പ​ന​ങ്ങ​ൾ​ക്കെ​തി​രെ​യാ​ണ്​ ന​ട​പ​ടി​ക​ൾ എ​ടു​​ക്കു​ന്ന​ത്.

സ്വ​ർ​ണം-​വെ​ള്ളി വ്യാ​പാ​ര സ്ഥാ​പ​ന​ങ്ങ​ൾ, റ​സ്റ്റാ​റ​ൻ​റു​ക​ൾ, ഇ​ല​ക്ട്രോ​ണി​ക് സ്ഥാ​പ​ന​ങ്ങ​ൾ, ക​ഫേ​ക​ൾ, ഫു​ഡ് സ്റ്റ​ഫ് സ്ഥാ​പ​ന​ങ്ങ​ൾ, പ​ച്ച​ക്ക​റി പ​ഴ​വ​ർ​ഗ വ്യാ​പാ​ര സ്ഥാ​പ​ന​ങ്ങ​ൾ, കെ​ട്ടി​ട നി​ർ​മാ​ണ ഉ​ൽ​പ​ന്ന​ങ്ങ​ൾ വി​ൽ​ക്കു​ന്ന സ്ഥാ​പ​ന​ങ്ങ​ൾ, വ്യ​വ​സാ​യ മേ​ഖ​ല, കോം​പ്ല​ക്സു​ക​ൾ, മാ​ളു​ക​ൾ, ഗി​ഫ്റ്റ് ഇ​ന​ങ്ങ​ൾ വി​ൽ​ക്കു​ന്ന സ്ഥാ​പ​ന​ങ്ങ​ൾ,പു​ക​യി​ല ഉ​ൽ​പ​ന്ന​ങ്ങ​ൾ വി​ൽ​ക്കു​ന്ന സ്ഥാ​പ​ന​ങ്ങ​ൾ എ​ന്നി​വ​യി​ലാ​ണ് ഇ-​പേ​മെൻറ് സം​വി​ധാ​നം ന​ട​പ്പാ​ക്കി​യ​ത്. എന്നാൽ നി​ല​വി​ൽ ചെ​റുകിട സ്ഥാ​പ​ന​ങ്ങ​ളിൽ ഇ-​പേ​മെൻറ് സം​വി​ധാ​നം നടപ്പിലാക്കിയിട്ടില്ല.

ഇ​ത് ന​ട​പ്പി​ലാക്കുന്നത് ഊ​ർ​ജി​ത​പ്പെ​ടു​ത്തു​ന്ന​തി​ന്‍റെ ഭാ​ഗ​മാ​യാ​ണ് മ​ന്ത്രാ​ല​യം അ​ധി​കൃ​തർ ന​ട​പ​ടി സ്വീകരിക്കുന്നത്. അതേസമയം വ്യാ​പാ​രി​ക​ൾ​ക്ക് ഇ- ​​പേ​മെ​ന്‍റ്​ സം​വി​ധാ​ന​ത്തി​നു​ള്ള ഉ​പ​ക​ര​ണം വാങ്ങുന്ന​തി​നു​ള്ള വെ​ല്ലു​വി​ളി​ക​ൾ മ​റി​ക​ട​ക്കാ​ൻ സെ​ൻ​ട്ര​ൽ ബാ​ങ്ക് ഓ​ഫ് ഒ​മാ​നു​മാ​യി ചേ​ർ​ന്ന് പ്ര​വ​ർ​ത്തി​ക്കു​ന്നു​ണ്ടെ​ന്നും മ​ന്ത്രാ​ല​യം അ​റി​യി​ച്ചു. ഇ​ത്​ വേ​ഗ​ത്തി​ൽ ല​ഭ്യ​മാ​ക്കാ​ൻ ബാ​ങ്കു​ക​ളു​മാ​യും ക​മ്പ​നി​ക​ളു​മാ​യും ഏ​കോ​പ​നം ന​ട​ക്കു​ന്നു​ണ്ടെ​ന്നും അ​ധി​കൃ​ത​ർ കൂട്ടിച്ചേർത്തു.