വീട്ടുകാർ കാണാതെ റോഡിലേക്ക് ഓടിക്കയറിയ രണ്ട് വയസ്സുകാരൻ വാഹനമിടിച്ച് മരിച്ചു. അജ്മാനിലെ അൽ നുഐമിയ മേഖലയിലാണ് സംഭവം.കഴിഞ്ഞ തിങ്കളാഴ്ചയാണ് അപകടമുണ്ടായത്. രണ്ട് ദിവസം അത്യാഹിത വിഭാഗത്തിൽ ചികിത്സയിലായിരുന്നു കുട്ടി.
റമദാനിൻ്റെ രണ്ടാം ദിവസമാണ് ദാരുണ സംഭവമുണ്ടായത്. കാറിൽ നിന്ന് സാധനങ്ങൾ എടുക്കാനിറങ്ങിയ പിതാവിന് പിന്നാലെ കുട്ടിയും ഓടിയെത്തുകയായിരുന്നു. അറബ് പൌരൻ്റെ വാഹനമിടിച്ചാണ് കുഞ്ഞിന് ഗുരതരമായി പരുക്കേറ്റത്.
ഇതിനിടെ ആശുപത്രിയിൽ കഴിയുന്ന കുഞ്ഞ് സുഖം പ്രാപിക്കാൻ പ്രാർത്ഥിക്കണം എന്നാവശ്യപ്പെട്ട് കുട്ടിയുടെ അമ്മ ഇൻസ്റ്റാഗ്രാമിൽ പങ്കുവെച്ചിരുന്നു. ഇവരുടെ ഇളയ കുഞ്ഞാണ് അപകടത്തിൽപ്പെട്ടത്.
