പ്രേക്ഷകർ ഏറെ കാത്തിരിക്കുന്ന ബോളിവുഡ് സൂപ്പർസ്റ്റാർ ഷാരൂഖ് ഖാൻ ചിത്രം ‘ജവാന്റെ’ ട്രെയിലർ ലോഞ്ച് ബുർജ് ഖലീഫയിൽ നടന്നു. സമൂഹത്തിലെ തെറ്റുകൾ തിരുത്താൻ സജ്ജമായ ഒരു മനുഷ്യന്റെ വൈകാരിക യാത്രയുടെ കഥ പറയുന്ന ആക്ഷൻ ത്രില്ലറാണ് ‘ജവാൻ’ എന്ന് നിർമാതാവ് പറഞ്ഞു.
ആറ്റ്‌ലി സംവിധാനം ചെയ്യുന്ന ചിത്രത്തിൽ വിജയ് സേതുപതിയും നയൻതാരയും ദീപിക പദുക്കോണും ഒരു പ്രത്യേക വേഷത്തിൽ എത്തുന്നുണ്ട്. സന്യ മൽഹോത്ര, പ്രിയാമണി, ഗിരിജ ഓക്ക്, സഞ്ജീത ഭട്ടാചാര്യ, ലെഹർ ഖാൻ, ആലിയ ഖുറേഷി, റിധി ദോഗ്ര, സുനിൽ ഗ്രോവർ, മുകേഷ് ഛബ്ര എന്നിവരാണ് ചിത്രത്തിലെ മറ്റ് പ്രധാന കഥാപാത്രങ്ങളെ അവതരിപ്പിക്കുന്നത്.
