വേനൽക്കാലത്ത് അഡ്നോക് സർവീസ് സ്റ്റേഷൻ ഉപഭോക്താക്കൾക്ക് ഒന്നിലധികം സമ്മാനങ്ങൾ, പണം, പോയിന്റുകൾ അല്ലെങ്കിൽ സൗജന്യ ഇന്ധനത്തിനായുള്ള കൂപ്പണുകൾ നേടാൻ അവസരം. ഈ ആഴ്ചത്തെ പ്രമോഷന്റെ വിജയികളെ തിങ്കളാഴ്ച കമ്പനി പ്രഖ്യാപിച്ചു. ഈസ അൽയാമ്മഹി 50,000 ദിർഹം പണമായി നേടിയപ്പോൾ റാൻഡോനോ കോതമതി ഒരു വർഷത്തേക്ക് സൗജന്യ ഇന്ധനമാണ് സമ്മാനമായി നേടിയത്. ഖലീഫ അൽസെയോദി അഞ്ച് ദശലക്ഷം പോയിന്റുകളും നേടി.
അഡ്നോക് പ്രമോഷൻ
രജിസ്റ്റർ ചെയ്ത ഉപഭോക്താക്കൾക്ക് അഡ്നോക് ഒയാസിസ് കൺവീനിയൻസ് സ്റ്റോർ, കാർ വാഷ്, ലൂബ് മാറ്റൽ, എൽപിജി ഓൺലൈൻ അല്ലെങ്കിൽ ഇവി ചാർജിംഗ്, അല്ലെങ്കിൽ ഇന്ധനത്തിന് 60 ദിർഹം എന്നിവയിൽ 20 ദിർഹം ചെലവഴിച്ചാൽ അഡ്നോക് സർവീസ് സ്റ്റേഷനുകൾ തൽക്ഷണ പ്രതിദിന സമ്മാനങ്ങൾ നൽകും. ഈ ഉപഭോക്താക്കൾക്ക് പ്രതിവാര സമ്മാനങ്ങളായ 50,000 ദിർഹം, ഒരു വർഷത്തേക്ക് സൗജന്യ ഇന്ധനം, അഞ്ച് മില്യൺ റിവാർഡ് പോയിന്റുകൾ, ഒരു കിലോഗ്രാം സ്വർണം എന്നിവ നേടാനുള്ള അവസരവും ലഭിക്കും.
എങ്ങനെ പങ്കെടുക്കാം
യുഎഇ ഫോൺ നമ്പറും എമിറേറ്റ്സ് ഐഡിയും അഡ്നോക് റിവാർഡ് അംഗവുമുണ്ടെങ്കിൽ മാത്രമേ പ്രമോഷനിൽ പങ്കെടുക്കാനാകൂ. പങ്കെടുക്കുന്നവർക്ക് അഡ്നോക് ഡിസ്ട്രിബൂഷൻ ആപ്പിലോ ഒരു സർവീസ് സ്റ്റേഷൻ സന്ദർശിച്ചോ സൈൻ അപ്പ് ചെയ്യാം. ഓരോ തവണയും വാങ്ങുന്നതിന് മുൻപ് പങ്കെടുക്കാൻ എമിറേറ്റ്സ് ഐഡിയോ റിവാർഡ് അംഗത്വ ക്യുആർ കോഡോ കാണിക്കുക. വിജയികളെ ഔദ്യോഗിക സോഷ്യൽ മീഡിയ ചാനലുകളിലും ഔദ്യോഗിക വെബ്‌സൈറ്റിലും വിതരണ ആപ്പിലൂടെയും പ്രഖ്യാപിക്കും. 2023 ജൂൺ 26 മുതൽ സെപ്റ്റംബർ 24 വരെയാണ് പ്രമോഷൻ നടക്കുന്നത്. 2023 സെപ്റ്റംബർ 25-ന് അഞ്ച് വിജയികൾക്ക് ഒരു കിലോ സ്വർണത്തിന്റെ വലിയ സമ്മാനവും നൽകും.
