‘മനുഷ്യത്വത്തിനായുള്ള യോഗ’ എന്ന സന്ദേശമുയര്‍ത്തി എട്ടാമത് യോഗ ദിനം. അന്താരാഷ്ട്ര തലത്തില്‍ സംഘടിപ്പിച്ച യോഗാദിനാചരണം ലോകത്തിന് നല്‍കിയത് പുതിയ സന്ദേശം. യോഗ ലോകത്തിന് സമ്മാനിച്ച ഇന്ത്യയോട് നന്ദി പറഞ്ഞുകൊണ്ടാണ് മിക്ക രാജ്യങ്ങളിലും യോഗ ദിനാചരണ പരിപാടികൾ നടന്നത്. ഇന്ത്യയിലും വിപുലമായി യോഗ ദിനാചരണങ്ങൾ സംഘടിപ്പിച്ചു.

യോഗയില്‍ നിന്നുളള സമാധാനം വ്യക്തികൾക്ക് മാത്രമല്ല, രാജ്യത്തിനും ലോകത്തിനും സമാധാനം പ്രദാനം ചെയ്യുന്നെന്ന് പ്രധാനമന്ത്രി നരേന്ദ്ര മോദി പറഞ്ഞു. യോഗ ലോകത്തിന്‍റെ ദേശീയ ഉത്സവമാണെന്നും മോദി കൂട്ടിച്ചേര്‍ത്തു.യോഗ ജീവിത്തിന്‍റെ ഭാഗം എന്നതിനപ്പുറം ജീവിതരീതിയായി മാറുകയാണെന്നും കോവിഡ് പ്രതിരോധത്തില്‍ യോഗ പ്രധാന പങ്കുവഹിച്ചെന്നും മോദി സൂചിപ്പിച്ചു. മൈസൂരുവില്‍ സംഘിടിപ്പിച്ച യോഗാദിനാചരണ പരിപാടിയില്‍ സംസാരിക്കുകയായിരുന്നു പ്രധാനമന്ത്രി. ലോകമെമ്പാടും 25 കോടിപ്പേര്‍ യോഗദിനാചരണത്തിന്‍റെ ഭാഗമായി. രാജ്യത്ത് 75 ചരിത്രപ്രധാന കേന്ദ്രങ്ങളിലാണ് പരിപാടി സംഘടിപ്പിച്ചിട്ടുളളതെന്ന് ആയുഷ് മന്ത്രാലയവും വ്യക്തമാക്കി.

അതേസമയം യുഎഇയില്‍ സംഘടിപ്പിച്ച പരിപാടി സഹിഷ്ണുത- സഹവർത്തിത്വ മന്ത്രി ഷെയ്ഖ് നഹ്യാൻ ബിൻ മുബാറക് അൽ നഹ്യാൻ ഉദ്ഘാടനം ചെയ്തു. പരമ്പരാഗത ഇന്ത്യൻ അഭിവാദന മാർഗമായ ‘നമസ്‌തേ’ ഉച്ഛരിച്ചാണ് അദ്ദേഹം ജനതയെ അഭിവാദ്യം ചെയ്തത്. സാർവത്രിക ആഗോള മൂല്യങ്ങളും അന്താരാഷ്ട്ര ഐക്യവും സമാധാനവും പ്രചരിപ്പിക്കുന്നതിനുള്ള പുതുക്കിയ പ്രതിബദ്ധതയോടെയാണ് യുഎഇ യോഗ ദിനം ആഘോഷിക്കുന്നതെന്ന് മന്ത്രി അടിവരയിട്ടു. ഒരു സൂര്യൻ, ഒരു ഭൂമി എന്ന ആശയത്തിന് അടിവരയിടുന്നതാണ് യോഗയെന്ന് യുഎഇയിലെ ഇന്ത്യൻ അംബാസഡർ സഞ്ജയ് സുധീർ പറഞ്ഞു.

2015 മുതലാണ് അന്താരാഷ്ട്ര യോഗദിനത്തിന് തുടക്കമായത്. െഎക്യരാഷ്ട്ര സഭയുടെ 69-ാമത് സമ്മേളത്തില്‍ ഇന്ത്യന്‍ പ്രധാനമന്ത്രി നേരേന്ദ്ര മോദി മുന്നോട്ടുവച്ച ആശയത്തിന് യുഎന്‍ ജനറല്‍ അസംബ്ളി അംഗീകാരം നല്‍കുകയായിരുന്നു.

Tag: anniversary

spot_imgspot_img

രാജ്യത്തിന്റെ വികസനത്തിന് വേണ്ടി പ്രവർത്തിക്കുന്ന ഭരണാധികാരി; കുവൈത്ത് അമീർ അധികാരമേറ്റിട്ട് ഒരു വർഷം

കുവൈത്ത് അമീറായി ഷെയ്ഖ് മിഷാൽ അൽ അഹമദ് അൽ ജാബെർ അൽ സബാഹ് അധികാരമേറ്റിട്ട് ഇന്ന് ഒരു വർഷം പൂർത്തിയാകുന്നു. മുൻ അമീർ ഷെയ്ഖ് നവാഫ് അൽ അഹമദ് അൽ ജാബർ അൽ...

മലയാളത്തിലെ ആദ്യത്തെ പ്രേതസിനിമ; ‘ഭാർഗവീനിലയ’ത്തിന് 60 വയസ്

വെളുത്തസാരിയുടുത്ത് അഴിച്ചിട്ട തലമുടിയുമായി മലയാള സിനിമയിലേക്ക് കടന്നുവന്ന സുന്ദരിയായ ആദ്യത്തെ യക്ഷി. മലയാള സിനിമയിലെ ആദ്യത്തെ ഹൊറർ-റൊമാൻ്റിക്-ഇൻവെസ്റ്റിഗേറ്റീവ് ത്രില്ലറായ ഭാർ​ഗവീനിലയം പിറന്നിട്ട് ഇന്നേക്ക് 60 വർഷം. നീലവെളിച്ചം എന്ന തൻ്റെതന്നെ കഥയെ ആസ്പദമാക്കി വൈക്കം...

ദുബായ് മെട്രോയ്ക്ക് ഇന്ന് 15-ാം പിറന്നാൾ; ആശംസയുമായി ദുബായ് ഭരണാധികാരി

ദുബായിക്ക് പുതിയൊരു മുഖം സമ്മാനിച്ച മെട്രോ ഇന്ന് 15-ാം വാർഷികം ആഘോഷിക്കുകയാണ്. 15-ാം പിറന്നാൾ ദിനത്തിൽ ദുബായ് മെട്രോയ്ക്ക് ആശംസ നേർന്നിരിക്കുകയാണ് യുഎഇ വൈസ് പ്രസിഡന്റും ദുബായ് ഭരണാധികാരിയുമായ ഷെയ്ഖ് മുഹമ്മദ് ബിൻ...

ഫ്ലൈ ദുബായ് യാത്ര ആരംഭിച്ചിട്ട് പതിനഞ്ച് വർഷം

ദുബായിലെ പ്രമുഖ എയർലൈനായ ഫ്ലൈ ദുബായ് യാത്ര ആരംഭിച്ചിട്ട് പതിനഞ്ച് വർഷം. 2009 ജൂൺ 1-ന് ബെയ്‌റൂട്ടിലേക്കാണ് പറന്നുകൊണ്ട് വ്യോമയാന രംഗത്ത് തുടക്കം കുറിച്ച ഫ്ലൈ ദുബായ് വിജയകരമായി ഒന്നര പതിറ്റാണ്ട്...

ജനകീയ അടിത്തറ വിപുലമാക്കാൻ മാസ്; നാൽപ്പതാം വാർഷിക ആഘോഷങ്ങൾക്ക് സമാപനം

പ്രവാസലോകത്തെ പുരോഗമന-സാംസ്കാരിക കൂട്ടായ്മയായ മാസിൻ്റെ നാൽപ്പതാം വാർഷികാഘോഷങ്ങൾക്ക് സമാപനം. ഒരുവർഷം നീണ്ടുനിന്ന ആഘോഷ പരിപാടികളാണ് സമാപിച്ചത്. ഷാർജ ഇന്ത്യൻ അസോസിയേഷൻ ഹാളിൽ സംഘടിപ്പിച്ച സമാപന സമ്മേളനം സിപിഐഎം സംസ്ഥാന സെക്രട്ടറി എംവി ഗോവിന്ദൻ...

മാസിൻ്റെ 40-ാം വാർഷികാഘോഷങ്ങൾ സമാപനത്തിലേക്ക്; സമാപനസമ്മേളനം ശനിയാഴ്ച

ഷാർജ കേന്ദ്രമാക്കി പ്രവർത്തിക്കുന്ന പുരോഗമന പ്രവാസി സംഘടനയായ മാസിൻ്റെ നാൽപ്പതാം വാർഷികാഘോഷങ്ങൾ സമാപനത്തിലേക്ക്. ഒരുവർഷം നീണ്ടുനിന്ന ആഘോഷ പരിപാടികളാണ് പൂർത്തിയാകുന്നത്. നാല്പതാം വാർഷിക ആഘോഷങ്ങളുടെ സമാപനസമ്മേളനം മെയ് 25 ശനിയാഴ്ച വൈകിട്ട് 6.30ന്...