ഇരട്ട നികുതി ഒഴിവാക്കാനുള്ള കരാറിൽ ഒ​മാ​നും ഈ​ജി​പ്തും ഒ​പ്പു​വെ​ച്ചു

ഇ​ര​ട്ട​നി​കു​തി ഒ​ഴി​വാ​ക്കു​ന്ന​തിനുള്ള കരാറിൽ ഒ​മാ​നും ഈ​ജി​പ്തും ഒ​പ്പു​വെ​ച്ചു. വ​രു​മാ​ന- മൂ​ല​ധ​ന​നി​കു​തി വെ​ട്ടി​പ്പ് ത​ട​യു​ക എന്ന ലക്ഷ്യം കൂടി മുന്നിൽ കണ്ടാണ് ക​രാ​റി​ലും ധാ​ര​ണാ​പ​ത്ര​ത്തി​ലും ഇരു രാജ്യങ്ങളും ഒപ്പുവച്ചത്. സു​ൽ​ത്താ​ൻ ഹൈ​തം ബി​ൻ താ​രി​ഖി​ന്‍റെ ഈ​ജി​പ്ത്​ സ​ന്ദ​ർ​ശ​ന​ത്തി​ന്‍റെ ഭാ​ഗ​മാ​യാ​ണ്​ ക​രാ​ർ. ഒ​മാ​ൻ ധ​ന​കാ​ര്യ മ​ന്ത്രി സു​ൽ​ത്താ​ൻ ബി​ൻ സ​ലേം അ​ൽ ഹ​ബ്​സി​യും ഈ​ജി​പ്ത്​ ധ​ന​കാ​ര്യ മ​ന്ത്രി ഡോ. ​മു​ഹ​മ്മ​ദ് മു​ഐ​ത്തു​മാ​ണ്​ ക​രാ​റി​ൽ ഒ​പ്പു​വെ​ച്ച​ത്.

അതേസമയം ഒ​മാ​നി​ലെ നി​ക്ഷേ​പ സാ​ധ്യ​ത​ക​ൾ വിശകലനം ചെ​യ്യു​ന്ന​തി​നും ഇ​രു​രാ​ജ്യ​ങ്ങ​ളും ത​മ്മി​ലു​ള്ള സാ​മ്പ​ത്തി​ക പ​ങ്കാ​ളി​ത്തം വ​ർ​ധി​പ്പി​ക്കു​ന്ന​തി​നു​മാ​യി ഒ​മാ​നി-​ഈ​ജി​പ്ഷ്യ​ൻ ബി​സി​ന​സ് ഫോ​റവും കൈ​റോ​യി​ൽ യോ​ഗം ചേ​ർ​ന്നു. കൂടാതെ ഇ​രു രാ​ജ്യ​ങ്ങ​ളും ത​മ്മി​ലു​ള്ള സം​യു​ക്ത സാ​മ്പ​ത്തി​ക പ്ര​വ​ർ​ത്ത​ന​ങ്ങ​ളു​ടെ വി​ക​സ​നം, നേ​താ​ക്ക​ളു​ടെ അ​ഭി​ലാ​ഷ​ങ്ങ​ൾ​ക്കും നി​ർ​ദ്ദേ​ശ​ങ്ങ​ൾ​ക്കും അ​നു​സൃ​ത​മാ​യി വ​ർ​ധി​പ്പി​ക്കു​മെ​ന്ന്​ ധ​ന​കാ​ര്യ മ​ന്ത്രി സു​ൽ​ത്താ​ൻ ബി​ൻ സ​ലിം അ​ൽ ഹ​ബ്സി ഒു​മാ​ൻ അറിയിച്ചു. ഒ​മാ​ന്റെ വി​ഷ​ൻ 2040ന്റെ​യും സു​ൽ​ത്താ​നേ​റ്റ് നി​ക്ഷേ​പ​ക​ർ​ക്ക് ന​ൽ​കു​ന്ന പ്രോ​ത്സാ​ഹ​ന​ങ്ങ​ളെ​യും സേ​വ​ന​ങ്ങ​ളെ​ കു​റി​ച്ചും മന്ത്രി ഫോ​റ​ത്തി​ൽ വി​ശ​ദീ​ക​രി​ച്ചു.

ഒ​മാ​നെ​യും ഈ​ജി​പ്തി​നെ​യും ബ​ന്ധി​പ്പി​ക്കു​ന്ന ച​രി​ത്ര​പ​ര​മാ​യ പല കാ​ര്യ​ങ്ങ​ളെ കു​റി​ച്ചും നി​ല​വി​ലു​ള്ള ഉ​ഭ​യ​ക​ക്ഷി സ​ഹ​ക​ര​ണ​ത്തി​ന്റെ വി​വി​ധ വ​ശ​ങ്ങ​ളെ പ​റ്റി​യും ഫോറം ച​ർ​ച്ച ചെ​യ്തു. കൂടാതെ ഇ​രു രാ​ജ്യ​ങ്ങ​ളി​ലെ​യും ജ​ന​ങ്ങ​ൾ​ക്ക് കൂ​ടു​ത​ൽ ആ​നു​കൂ​ല്യ​ങ്ങ​ൾ ല​ഭി​ക്കു​ന്ന​തി​നാ​യി സം​യു​ക്ത താ​ൽ​പ്പ​ര്യ​ങ്ങ​ൾ ഏ​കീ​ക​രി​ക്കു​ന്ന​തി​നു​ള്ള വ​ഴി​ക​ളെ കു​റി​ച്ചും ഫോറം ചർച്ച ചെയ്തു.