മുൻ ഇന്ത്യൻ ക്രിക്കറ്റ് താരം എസ്. ശ്രീശാന്ത് സിംബാബ്‍വെ ക്രിക്കറ്റ് ലീഗിലേക്ക്. ബോളിവുഡ് നടൻ സഞ്ജയ് ദത്തിന്റെ ഉടമസ്ഥതയിലുള്ള ഹരാരെ ഹരിക്കെയൻസ് ടീമിനായാണ് ശ്രീശാന്ത് കളിക്കുക. ജൂലൈ 20ന് ആരംഭിക്കുന്ന പ്രഥമ സിം ആഫ്രൊ ടി10 ലീഗിലാണ് താരം മാറ്റുരയ്ക്കുന്നത്.
മുൻ ഇന്ത്യൻ താരങ്ങളായ ഇർഫാൻ പഠാനും റോബിൻ ഉത്തപ്പയും ലീഗിൽ ഹരാരെ ഹരിക്കെയ്ൻ ടീമിന്റെ ഭാഗമാണ്. വർട്ട് ബിന്നി, പാർഥിവ് പട്ടേൽ, യൂസഫ് പഠാൻ എന്നീ ഇന്ത്യൻ താരങ്ങളും സിം ആഫ്രൊ ടി10 ലീഗിൽ മത്സരിക്കുന്നുണ്ട്. ഇവർക്കൊപ്പമാണ് ശ്രീശാന്തും കളിക്കളത്തിലിറങ്ങുക.
സിംബാബ്‍വെയിലേയും ദക്ഷിണാഫ്രിക്കയിലേയും നഗരങ്ങളുടെ പേരിലാണ് സിം ആഫ്രൊ ടി 10 ടൂർണമെന്റ് നടത്തുന്നത്. ജൂലൈ 20ന് ആരംഭിക്കുന്ന പ്രഥമ സിം ആഫ്രൊ ടി10 ലീഗിൽ അഞ്ച് ടീമുകൾ ആണ് മറ്റുരയ്ക്കുന്നത്.
