ഐപിഎല്ലിന്റെ തുടക്കം മുതൽ വാർത്തകളിലും വിവാദങ്ങളിലും നിറഞ്ഞ താരമാണ് മുംബൈ ഇന്ത്യൻസിന്റെ നായകനായ ഹാർദിക് പാണ്ഡ്യ. പങ്കെടുത്ത എല്ലാ മത്സരങ്ങളിലും പരാജയപ്പെട്ടതോടെ ആരാധകർ ഒന്നടങ്കം താരത്തെ കൂകിവിളിക്കാനും കളിയാക്കാനും തുടങ്ങി. ഇതോടെ ടീമിന്റെ വിജയത്തിനായി ക്ഷേത്രത്തിൽ പ്രത്യേക പൂജ നടത്തിയിരിക്കുകയാണ് ഹാർദിക്.
ഗുജറാത്തിലെ പ്രസിദ്ധമായ സോമനാഥ ക്ഷേത്രത്തിലാണ് താരം പൂജ നടത്തിയത്. പരമ്പരാഗതമായ വേഷത്തിൽ ക്ഷേത്രത്തിലെത്തി പൂജ നടത്തി പ്രാർത്ഥിക്കുന്ന ഹാർദിക്കിൻ്റെ വീഡിയോ ഇതിനോടകം വൈറലാകുകയും ചെയ്തു. ഗുജറാത്ത് ടൈറ്റൻസിൽ നിന്ന് മുംബൈ ടീമിലേക്ക് എത്തിയ ഹാർദിക്കിനെ രോഹിത് ശർമയ്ക്ക് പകരം ടീമിന്റെ ക്യാപ്റ്റനാക്കിയതോടെയാണ് താരത്തിനെതിരെ ക്രിക്കറ്റ് ആരാധകർ പ്രതിഷേധ സ്വരം ഉയർത്താൻ തുടങ്ങിയത്. പിന്നീട് കളിച്ച മൂന്ന് മത്സരങ്ങളിലും മുംബൈ ദയനീയമായി പരാജയപ്പെടുകയും ചെയ്തിരുന്നു.
ഇതോടെ കളിക്കളത്തിലെത്തുന്ന ഹാർദിക്കിനെ കൂകിവിളികളോടെയാണ് ഗ്യാലറി എതിരേറ്റത്. ഹാർദിക്കിനെ മാറ്റി പകരം രോഹിത്തിനെ തന്നെ നായകനാക്കണമെന്നാണ് ടീമിന്റെ ആരാധകർ അവശ്യപ്പെടുന്നത്. ഇതോടെ മാനസികമായി തളർന്ന ഹാർദിക് ടീമിന്റെ വിജയത്തിനായാണ് പ്രത്യേക പൂജകൾ നടത്തിയതെന്നാണ് റിപ്പോർട്ട്.
#WATCH | Gujarat: Indian Cricket Team all-rounder Hardik Pandya offers prayers at Somnath Temple.
Source: Somnath Temple Trust pic.twitter.com/F8n05Q1LSA
— ANI (@ANI) April 5, 2024
