ഐഎസ്എൽ പത്താം സീസൺ ഇന്ന് ആരംഭിക്കാനിരിക്കെ മത്സരങ്ങൾ നടക്കുന്ന കൊച്ചി കലൂരിലെ ജവഹർലാൽ നെഹ്രു സ്റ്റേഡിയത്തിലേയ്ക്ക് അഞ്ച് മണി മുതൽ കാണികൾക്ക് പ്രവേശിക്കാൻ അനുമതി. ഉദ്ഘാടന മത്സരത്തിൽ കേരള ബ്ലാസ്റ്റേഴ്സും ബംഗളൂരു എഫ്സിയും തമ്മിലുള്ള മത്സരം ഇന്ന് രാത്രി 8 മണിക്കാണ് നടക്കുക.
പ്രവേശന ടിക്കറ്റുകൾ www.insider.in എന്ന വെബ്സൈറ്റിൽ ലഭ്യമാണ്. കലൂർ സ്റ്റേഡിയത്തിലെ ബോക്സ് ഓഫീസ് കൗണ്ടറിൽ നിന്ന് ടിക്കറ്റുകൾ ലഭ്യതയനുസരിച്ച് നേരിട്ട് വാങ്ങാനും അവസരമുണ്ട്. ബ്ലാസ്റ്റേഴ്സിന്റെ മത്സരങ്ങൾക്ക് സീസൺ ടിക്കറ്റ് എടുത്താൽ 25 ശതമാനം ഇളവും ലഭിക്കും. നിപ്പ നിയന്ത്രണ വിധേയമാണെങ്കിലും സുരക്ഷ പരിഗണിച്ച് കാണികൾ മാസ്ക് ധരിച്ച് സ്റ്റേഡിയത്തിൽ എത്തണമെന്ന് ബ്ലാസ്റ്റേഴ്സ് ടീം അഭ്യർത്ഥിച്ചു.
