യു എ ഇ ഉപഭോക്താൾക്കളുടെ ഫേവറൈറ്റ് ലിസ്റ്റിൽ ഇടം നേടിയ നെസ്റ്റോ ഹൈപ്പർ മാർക്കറ്റിന്റെ പുതിയ ബ്രാഞ്ച് ദുബായ് ഇന്റർനാഷണൽ സിറ്റിയിലുള്ള ഡ്രാഗൺ മാർട്ട് – 2ൽ പ്രവർത്തനമാരംഭിച്ചു. ലോകത്തിൽ തന്നെ ഏറ്റവും വലിയ ഉപകരണ വിപണിയിലൊന്നായ ഡ്രാഗൺ മാർട്ടിന്റെ (2) ഗ്രൗണ്ട് ഫ്ലോറിൽ 105000 സ്‌ക്വയർ ഫീറ്റിലായാണ് നെസ്റ്റോ ഹൈപ്പർ മാർക്കറ്റ് പ്രവർത്തിക്കുന്നത്.
ആധുനിക സൗകര്യങ്ങളോട് കൂടിയ ഹൈപ്പർ മാർക്കറ്റിന്റെ ഉദ്ഘാടനം ഡ്രാഗൺ മാർട്ട് മാൾ മാനേജർ റാഷിദ് അൽഹർമുദി, വെസ്റ്റേൺ ഇന്റർനാഷണൽ ഗ്രൂപ്പ് ചെയർമാൻ കെ പി ബഷീർ എന്നിവർ ചേർന്ന് നിർവഹിച്ചു. നെസ്റ്റോ ഗ്രൂപ്പ് മാനേജിങ് ഡയറക്ടർമാരായ സിദ്ദിഖ് പാലൊള്ളതിൽ, കെ.പി ജമാൽ ഡയറക്ടർമാരായ കെ.പി നവാസ്, കെ.പി ഫായിസ്, മുഹമ്മദ് ആത്തിഫ് തുടങ്ങിയവരും ഉദ്ഘാടന ചടങ്ങില്‍ പങ്കെടുത്തു.
