ലോകത്തിലെ ഏറ്റവും മനോഹരമായ 14 മ്യൂസിയങ്ങളിൽ ഒന്നായ ദുബായിലെ മ്യൂസിയം ഓഫ് ദി ഫ്യൂച്ചർ ബ്രാൻഡ് ചെയ്ത വിമാനങ്ങൾ നാളെ മുതൽ പറന്നുതുടങ്ങും. എമിറേറ്റ്സ് എയർലൈൻസിന്റെ A380 വിമാനങ്ങളാണ് ബ്രാൻഡ് ചെയ്തിരിക്കുന്നത്. ഇന്ന് ലോസ്
ഏഞ്ചൽസിലേക്കാണ് പറക്കുകയെന്ന് എയർലൈൻസിന്റെ പ്രസ്താവനയിൽ പറയുന്നു.
ബ്രാൻഡ് ചെയ്ത ഒമ്പത് A380 വിമാനങ്ങൾ വരും ആഴ്ചകളിൽ പുറത്തിറക്കുമെന്നും എയർലൈൻസ് അറിയിച്ചു. യൂറോപ്പ്, അറബ് പ്രാദേശിക നഗരങ്ങൾ എന്നിവിടങ്ങളിലേക്കുള്ള റൂട്ടുകളിൽ സർവീസ് നടത്തുമെന്നും 10 ജെറ്റുകൾ അടുത്ത വർഷം ലോകത്തെ 30 സ്ഥലങ്ങളിലേക്ക് പറക്കുമെന്നും എയർലൈൻസ് അറിയിച്ചു.
മ്യൂസിയം ഓഫ് ദി ഫ്യൂച്ചർ ദുബായിൽ പൊതുജനങ്ങൾക്കായി തുറന്നു കൊടുത്തത് 2022 ഫെബ്രുവരി 22നാണ്. നാഷണൽ ജിയോഗ്രാഫിക് മാസിക സമാഹരിച്ച പട്ടികയിൽ ഭൂമിയിലെ ഏറ്റവും മനോഹരമായ 14 മ്യൂസിയങ്ങളിൽ ഒന്നായി തിരഞ്ഞെടുക്കപ്പെടുകയും ചെയ്തു ഈ മനോഹരമായ ഏഴ് നിലകളുള്ള ഈ മ്യൂസിയം.
