പാറശ്ശാല ഷാരോൺ രാജ് വധക്കേസിൽ പ്രതിയായ ഗ്രീഷ്മയുടെ അമ്മയും അമ്മാവനും അറസ്റ്റിൽ. സിന്ധു , നിർമ്മൽ കുമാർ എന്നിവരെയാണ് അറസ്റ്റ് ചെയ്തത് . ഇവരെ ഇന്ന് കോടതിയിൽ ഹാജരാക്കും.അമ്മ സിന്ധുവും അമ്മാവന്‍ നിര്‍മല്‍കുമാറും തെളിവ് നശിപ്പിച്ചു എന്ന കാരണത്താലാണ് പ്രതി ചേര്‍ത്ത് അറസ്റ്റ് ചെയ്തത് . എന്നാൽ, ഗൂഢാലോചനയിൽ ഇവര്‍ക്ക് പങ്കില്ലെന്നും ഗ്രീഷ്മ ഒറ്റയ്ക്കാണ് നടത്തിയതെന്നും പൊലീസ് പറയുന്നു.
കോടതിയിൽ ഹാജരാക്കി ഇരുവരെയും കസ്റ്റഡിയിൽ വാങ്ങി തെളിവെടുപ്പ് നടത്തും.രാമവര്‍മ്മൻചിറയിലെ ഗ്രീഷ്മയുടെ വീട്ടിലെത്തിച്ചാണ് തെളിവെടുപ്പ്. ഗ്രീഷ്മയുടെ അച്ഛനെയും മറ്റൊരു ബന്ധുവിനെയും വീണ്ടും ചോദ്യം ചെയ്യും.
മെഡിക്കൽകോളേജ് ആശുപത്രിയിൽ പ്രവേശിപ്പിച്ച ഗ്രീഷ്മയെ ഇന്നലെ രാത്രി റിമാൻഡ് ചെയ്തിരുന്നു. 24 മണിക്കൂര്‍ നിരീക്ഷണത്തിന് ശേഷം ആശുപത്രി സെല്ലിലേക്കോ ജയിലിലേക്കോ മാറ്റും. ഗ്രീഷ്മയെ കസ്റ്റഡിയിലെടുക്കാനുള്ള അപേക്ഷയും അന്വേഷണസംഘം കോടതിയിൽ നൽകും. സംഭവ നടന്ന ദിവസം ഷാരോൺ രാജ് ധരിച്ചിരുന്ന വസ്ത്രം ഫോറൻസിക് പരിശോധനയ്ക്കായി കുടുംബം അന്വേഷണസംഘത്തിന് കൈമാറും.
