നവവധുവിനെ പോലെ അണിഞ്ഞൊരുങ്ങിയ കൊല്ലം സുധിയുടെ ഭാര്യ രേണുവിൻ്റെ ചിത്രം സോഷ്യൽ മീഡിയയിൽ ചർച്ചയാകുന്നു. സമൂഹമാധ്യമങ്ങളിലൂടെ രേണു പങ്കു വച്ച പുതിയ ചിത്രങ്ങൾക്ക് നിരവധി കമന്‍റുകളാണ് ലഭിക്കുന്നത്. മിമിക്രി ആർട്ടിസ്റ്റായിരുന്ന കൊല്ലം സുധി മരണപ്പെട്ടതിന് ശേഷം രേണു മാധ്യമശ്രദ്ധ നേടയിരുന്നു.
രേണുവിൻ്റെ പുനർവിവാഹം സംബന്ധിച്ച ചർച്ചകൾ സജീവമാകുമ്പോഴാണ് പുതിയ ചിത്രം പ്രത്യക്ഷപ്പെട്ടത്. മഞ്ഞ നിറമുള്ള കസവ് സാരിയും കസവു പതിപ്പിച്ച ചുവന്ന ബ്ലൗസുമാണ് വേഷം. ഒപ്പം ആന്‍റിക് ആഭരണങ്ങളും അരപ്പട്ടയും ജിമിക്കിയും നെറ്റിച്ചുട്ടിയും രേണു അണിഞ്ഞിട്ടുണ്ട്.
ഭർത്താവ് മരിച്ചെന്നു കരുതി ജീവിതകാലം മുഴുവൻ കരഞ്ഞു ജീവിക്കണമെന്ന് ആരും പറഞ്ഞിട്ടില്ലെന്നാണ് ചിത്രത്തിന് ലഭ്യമായ ഒരു കമന്‍റ്. വീണ്ടും സുമംഗലിയാകാട്ടെ എന്ന ആശംസകളും ധാരാളമുണ്ട്. ഭർത്താവ് മരിച്ചാൽ വെള്ള സാരി ഉടുത്ത് നിക്കണോ, അടിയപൊളിയായിട്ടുണ്ട് തുടങ്ങിയവയ്ക്കൊപ്പം വിമർശന കമൻ്റുകളും കുറവല്ല.
അതേ സമയം ബ്രെഡൽ ഫോട്ടോ ഷൂട്ട് മോഡൽ ആവുകയായിരുന്നു രേണു. ഇതിൻ്റെ വീഡിയോകളും രേണു തന്നെ സമൂഹമാദ്ധ്യമത്തിലൂടെ പങ്കുവച്ചിരുന്നു. മേക്കപ്പ് ആർട്ടിസ്റ്റായ സുജ അഖിലേഷാണ് രേണുവിനെ സുന്ദരിയാക്കിയത്. എന്തായാലും ഭർത്താവ് മരിച്ച സ്ത്രീകളോട് സമൂഹം സ്വീകരിക്കുന്ന നിലപാടുകൾ കമൻ്റുകളിൽ വ്യക്തമാണ്.
