കടലിൽ കാണാതായ രണ്ടുപേരെ യുഎഇ എമർജൻസി റെസ്‌പോൺസ് ടീം രക്ഷപ്പെടുത്തി. 30 വയസ്സുള്ള ഏഷ്യാക്കാരായ രണ്ട് യുവാക്കളാണ് ബോട്ട് മുങ്ങിയതിനെ തുടർന്ന് കടലിൽ അകപ്പെട്ടുപോയത്. പ്രതികൂല സാഹചര്യങ്ങൾക്കിടയിലും എമർജൻസി റെസ്‌പോൺസ് ടീമിന് രണ്ടുപേരെയും കണ്ടെത്തി രക്ഷപ്പെടുത്താൻ കഴിഞ്ഞു.
നാഷണൽ ഗാർഡിൻ്റെയും കോസ്റ്റ് ഗാർഡിൻ്റെയും നാഷണൽ സെർച്ച് ആൻഡ് റെസ്‌ക്യൂ സെൻ്റർ/തേർഡ് സ്ക്വാഡ്രൺ, ആഭ്യന്തര മന്ത്രാലയത്തിൻ്റെ എയർ വിംഗുമായി ഏകോപിപ്പിച്ചാണ് രക്ഷാദൗത്യം നടത്തിയത്.
ആരോഗ്യസ്ഥിതി മോശമായതിനെ തുടർന്ന് ഇരുവരെയും ആഭ്യന്തര മന്ത്രാലയത്തിൻ്റെ വിമാനത്തിൽ പുറത്തെത്തിക്കുകയും അടിയന്തര ചികിത്സയ്ക്കായി ഷാർജയിലെ അൽ ഖാസിമി ആശുപത്രിയിൽ പ്രവേശിപ്പിക്കുകയും ചെയ്തു.
