യുഎഇയിലുണ്ടാകുന്ന കനത്ത മഴയുടെ പശ്ചാത്തലത്തിൽ അണക്കെട്ടിന് സമീപം താമസിക്കുന്നവർക്ക് മുന്നറിയിപ്പ് നൽകി റാസൽഖൈമ പോലീസ്. കനത്ത മഴയും ആലിപ്പഴ വർഷവും തുടരുന്ന സാഹചര്യത്തിലാണ് റാസൽഖൈമ പോലീസ് നിവാസികൾക്ക് ജാഗ്രതാ നിർദേശം നൽകിയത്.
വാദി ഷൗക്ക അണക്കെട്ട് പൂർണ്ണ ശേഷിയിൽ എത്തിയതായി സമൂഹമാധ്യമങ്ങളിലൂടെ അതോറിറ്റി അറിയിച്ചു. പ്രദേശത്തെ താമസക്കാരോടും സന്ദർശകരോടും വാടിയിലെ അരുവികളും അതിന്റെ സമീപ താഴ്‌വരകളും എത്തുന്നത് ഒഴിവാക്കാൻ പോലീസ് അഭ്യർത്ഥിച്ചു.
വെള്ളപ്പൊക്ക സാധ്യതയുള്ള പ്രദേശങ്ങളിലേക്ക് പോകുന്നത് ഒഴിവാക്കാൻ മറ്റ് അധികാരികൾ താമസക്കാരോട് അഭ്യർത്ഥിച്ചിട്ടുണ്ട്, താഴ്‌വരകളിലൂടെ മഴവെള്ളം ഒഴുകുന്നത് കാണിക്കുന്ന ഔദ്യോഗിക വീഡിയോകളും പങ്കുവെച്ചിട്ടുണ്ട്. ഓഗസ്റ്റ് 8 ചൊവ്വാഴ്ച വരെ മഴ പ്രതീക്ഷിക്കുന്നുവെന്നം കാലാവസ്ഥാ മുന്നറിയിപ്പുണ്ട്.
