പെരുന്നാൾ ആശംസകൾ നേർന്ന് ദുബായ് ഭരണാധികാരി; മക്ക സന്ദർശിക്കുന്ന ദൃശ്യങ്ങളും പങ്കിട്ടു

വലിയ പെരുന്നാളിനോട് അനുബന്ധിച്ച് എല്ലാവർക്കും ആശംസകൾ നേർന്ന് ദുബായ് ഭരണാധികാരി. മക്കയിലെ ഒരു തീർത്ഥാടന വേളയിൽ പ്രാർത്ഥിക്കുന്നതിൻ്റെ ചിത്രങ്ങൾ ഉൾക്കൊള്ളുന്ന ഒരു ഹ്രസ്വ വീഡിയോ പങ്കിട്ടുകൊണ്ടാണ് യുഎഇ വൈസ് പ്രസിഡൻ്റും പ്രധാനമന്ത്രിയും ദുബായ് ഭരണാധികാരിയുമായ ഷെയ്ഖ് മുഹമ്മദ് ബിൻ റാഷിദ് അൽ മക്തൂം ആശംസകൾ നേർന്നത്.

ദുബായ് കിരീടാവകാശി ഷെയ്ഖ് ഹംദാൻ ബിൻ മുഹമ്മദ് ബിൻ റാഷിദ് അൽ മക്തൂമിനേയും വീഡിയോയിൽ കാണാം.എക്സ് പ്ളാറ്റ്ഫോമിലൂടെയാണ് വീഡിയോ പങ്കിട്ടത്. അതേസമയം പെരുന്നാൾ ആഘോഷത്തിനുള്ള തയ്യാറെടുപ്പിലാണ് യു.എ.ഇയിലെ താമസക്കാരും സന്ദർശകരും.

يجتمع اليوم المسلمون في أنقى وأرقى تجمع على وجه الأرض … على صعيد عرفات ..
نسأل الله أن يتقبل من الحجاج حجهم .. ومن المؤمنين دعاءهم ..

وكل عام وجميع الشعوب الاسلامية في خير وصحة وسلام بمناسبة عيد الأضحي المبارك .. نسأل الله أن يعيده علينا وعليكم باليمن والبركات وقبول الطاعات . pic.twitter.com/YEQYBIRJgh

— HH Sheikh Mohammed (@HHShkMohd) June 15, 2024

താമസക്കാർക്കും തീർത്ഥാടകർക്കും ദുബായ് കിരീടാവകാശി ഷെയ്ഖ് ഹംദാനും ആശംസകൾ അറിയിച്ചു. രാഷ്ട്രത്തിൻ്റേയും അറബ്, ഇസ്ലാമിക രാഷ്ട്രങ്ങളുടേയും നേതാക്കൾക്ക് “ഹജ്ജിൻ്റെ ഏറ്റവും മഹത്തായ ദിനത്തിൽ ആശംസകൾ നേരുന്നുവെന്നാണ് ഷെയ്ഖ് ഹംദാൻ ആശംസിച്ചത്.