ആകാശം അണപൊട്ടിയൊഴുകിയപ്പോൾ പെയ്തത് റെക്കോർഡ് മഴ. നിർത്താതെ പെയ്ത മഴയിൽ ദുബായും ഷാർജയും മുങ്ങി. കഴിഞ്ഞ ആഴ്ചത്തെ ദുരിതപ്പെയ്ത് പ്രവാസ ലോകം പെട്ടെന്നൊന്നും മറക്കില്ല. പ്രതിസന്ധികൾക്കിടയിൽ പഠനം ഓൺലൈനും ആക്കിയിരുന്നു. ദിവസങ്ങൾ നീണ്ട ഓൺലൈൻ പഠനത്തിന് പിന്നാലെ സ്കൂളുകൾ വീണ്ടും സജീവമാകുകയാണ്.
ഷാർജയിലെ സ്വകാര്യ സ്കൂളുകളിൽ ഇന്ന് മുതൽ ക്ലാസുകൾ പുനരാരംഭിച്ചു. ഷാർജ പ്രൈവറ്റ് എജ്യുക്കേഷൻ അതോറിറ്റി (SPEA)യുടെ മേൽനോട്ട സംഘങ്ങൾ സ്കൂളുകളിൽ പരിശോധനകൾ പൂർത്തിയാക്കി.
അതിന് ശേഷമാണ് ക്ലാസുകൾ സജീവമായത്.
