52-ാമത് യുഎഇ ദേശീയ ദിനത്തോടനുബന്ധിച്ച് ഷാർജ നാഷണൽ പാർക്ക് അടച്ചിടും. നവംബർ 6 തിങ്കളാഴ്ച മുതൽ നവംബർ 27 വരെ അടച്ചിടുന്നതായി ഷാർജ മുനിസിപ്പാലിറ്റി പ്രഖ്യാപിച്ചു.
അതേസമയം നവംബർ 28 മുതൽ പൊതുജനങ്ങൾക്കും ദേശീയ ദിന പരിപാടികളിൽ പങ്കെടുക്കുന്നവർക്കും വേണ്ടി ഷാർജ നാഷണൽ പാർക്ക് തുറക്കും. ദേശീയ ഗാനങ്ങൾ, നാടകങ്ങൾ, ജനപ്രിയ നൃത്ത പരിപാടികൾ, ചുവർചിത്രങ്ങൾ, കലാ ശിൽപശാലകൾ തുടങ്ങി സന്ദർശകർക്കായി നിരവധി മത്സരങ്ങളും ഷാർജ നാഷണൽ പാർക്കിൽ സംഘടിപ്പിക്കും.
