പുണ്യ റമദാൻ മാസത്തിൽ സൗദിയിൽ നോമ്പുകാർ പരമ്പരാഗത സ്റ്റിക്കായ മിസ്‌വാക്ക് ദിവസത്തിൽ പല തവണ ഉപയോഗിക്കുന്ന പതിവുണ്ട്. ഇത് ഉപയോഗിക്കുന്നതിലൂടെ വായിലെ രോഗാണുക്കളിൽ നിന്ന് സംരക്ഷണം ലഭിക്കുമെന്നാണ് പറയപ്പെടുന്നത്. വായിലെ ദുർഗന്ധം ഒഴിവാക്കാനും മിസ്‌വാക്ക് സഹായിക്കും. ഒരു പ്രകൃതിദത്ത ടൂത്ത് ബ്രഷാണിത്. മറ്റ് ഗുണങ്ങൾക്കൊപ്പം വായിൽ ഒരു സുഗന്ധം സൃഷ്ടിക്കുന്നുവെന്ന് റിയാദിലെ ദന്തഡോക്ടറായ അബ്ദുൽ അസീസ് അൽ സെയ്ഫ് പറഞ്ഞു.
മിസ്‌വാക്ക് വായിലെ ദുർഗന്ധം ഇല്ലാതാക്കും പല്ലുകൾക്ക് തിളക്കം നൽകുകയും ചെയ്യും. ഇതിന് പുറമെ കാഴ്ചശക്തി ശക്തിപ്പെടുത്തുകയും ദഹനപ്രക്രിയയെ ശക്തിപ്പെടുത്തുകയും ചെയ്യുന്നുണ്ട്. സൗദി അറേബ്യയിൽ അറബിയിൽ അറക് എന്നറിയപ്പെടുന്ന സാൽവഡോറ പെർസിക്ക എൽ മരങ്ങളിൽ നിന്നാണ് മിസ്‌വാക്ക് നിർമിക്കുന്നത്. ഈജിപ്ത്, സുഡാൻ, ചാഡ് എന്നിവിടങ്ങളിലും ഈ ഇനം കാണപ്പെടുന്നുണ്ട്. മാത്രമല്ല, കയ്പേറിയ ഈന്തപ്പന അല്ലെങ്കിൽ ഒലിവ് മരങ്ങളും മിസ്‌വാക്കിനായി ഉപയോഗിക്കുന്നു. 1986-ലും 2000-ലും വായിലെ ശുചിത്വത്തിന് മിസ്‌വാക്ക് ഉപയോഗിക്കാൻ ലോകാരോഗ്യ സംഘടന ശുപാര്‍ശ ചെയ്തതോടെയാണ് ഇത് വ്യാ പകമായ അംഗീകാരം നേടിയത്.
